Type to search

उमा भारतींची भाजपाच्या उपाध्यक्षपदी नियुक्ती

देश विदेश मुख्य बातम्या राजकीय

उमा भारतींची भाजपाच्या उपाध्यक्षपदी नियुक्ती

Share
नवी दिल्‍ली : भाजपच्‍या राष्‍ट्रीय उपाध्‍यक्षपदी केंद्रीय मंत्री उमा भारती यांची नियुक्‍ती करण्‍यात आली आहे. उभा भारती यांची नियुक्‍ती भाजपचे राष्‍ट्रीय अध्‍यक्ष अमित शहा यांनी केली असून, केंद्रीय मंत्री जेपी नड्डा यांनी याबाबतची घोषण केली आहे.

‘उमा भारती यांनी यंदाची लोकसभा निवडणूक न लढवण्याचा निर्णय घेतला आहे. मात्र त्यांना पक्षासाठी काम करायचे आहे. त्यामुळे पक्षाच्या अध्यक्षांनी त्यांची राष्ट्रीय उपाध्यक्ष म्हणून नियुक्ती केली आहे’, असे जेपी नड्डा यावेळी म्हणाले.

नवी जबाबदारी मिळाल्यानंतर प्रसारमाध्यमांशी बोलताना त्या म्हणाल्या की, ‘ जर मी लोकसभा निवडणूक लढवली असती तर झांसीमधूनच लढवली असती. माझ्या मतदारसंघातील लोकांना माझ्यावर विश्वास असून ते मला त्यांची मुलगी मानतात. २०१६ मध्ये निवडणूक लढवणार नसल्याचे स्पष्ट केले होते. मला गंगा नदीच्या तीर्थस्थानांवर जायचे आहे, पुढील दीड वर्षात गंगा नदी स्वच्छ करण्यासाठी काम करणार आहे.

पक्षाने मला मुख्यमंत्री पदापासून केंद्रिय मंत्री पदापर्यंत खूप काही दिले आहे. भाजपाचे अध्यक्ष पद सोडून जवळपास सर्व संस्थात्मक जबाबदाऱ्या सांभाळल्या आहेत. मी 5 मेपर्यंत निवडणूक प्रचार करणार आहे, असे उमा भारती म्हणाल्या.

 

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!