केंद्राचे ४० हजार कोटी वाचविण्यासाठी फडणवीस ८० तासांचे मुख्यमंत्री; भाजप खासदाराचा गौप्यस्फोट
स्थानिक बातम्या

केंद्राचे ४० हजार कोटी वाचविण्यासाठी फडणवीस ८० तासांचे मुख्यमंत्री; भाजप खासदाराचा गौप्यस्फोट

Dinesh Sonawane

Dinesh Sonawane

मुंबई | प्रतिनिधी

अवघ्या ८० तासांचे मुख्यमंत्री म्हणून विरोधकांसाठी टीकेचे आयते कोलीत मिळालेल्या फडणवीस यांना मोठा धक्का बसला आहे.  कर्नाटकमधील भाजप खासदार अनंतकुमार हेगडे यांनी या संदर्भात नवा गौप्यस्फोट केला आहे.

‘केंद्र सरकारचे ४० हजार कोटी रुपये वाचवण्यासाठी बहुमत नसतानाही फडणवीस यांना मुख्यमंत्री बनविण्यात आले असल्याचा दावा त्यांनी केला आहे.

भारप खासदार आणि माजी केंद्रीय मंत्री अनंतकुमार हेगडे म्हणाले की, महाराष्ट्राला केंद्राने 40 हजार कोटी रुपये दिले होते. हे पैसे वाचवण्यासाठी फडणवीस यांना मुख्यमंत्री करण्याचे नाट्य करण्यात आले होते.  नाव न घेता त्यांनी देवेंद्र फडणवीसांवर आरोप केला आहे.

आमचा माणूस 80 तासांसाठी मुख्यमंत्री बनला होता. यानंतर त्याने राजीनामा दिला. पण हे नाट्य का केले गेले असा सवालदेखील त्यांनी उपस्थित केला आहे.

विशेष म्हणजे, आपल्याकडे बहुमत नाही हे माहित असतानाही देवेंद्र फडणवीस मुख्यमंत्री बनले असा प्रश्न नेहमीच विचारण्यात येतो आहे. त्यामुळे हेगडे यांच्या दाव्याने भाजपवरील रोष अधिकच वाढण्याची शक्यता वर्तविली जाते आहे.

नियमित बातम्या थेट आपल्या मोबाईलमध्ये मिळविण्यासाठी आमचे ‘टेलिग्राम चॅनल’ (Telegram) जॉईन करा 

Deshdoot
www.deshdoot.com