सिन्नर : शिर्डी महामार्गावर पांगरी शिवारात बाबा धाब्याजवळ आज (दि.१०) सायंकाळी साडे चार वाजेच्या सुमारास मालवाहू ट्रकने समोरून धडक दिल्याने कोपरगाव तालुक्यातील २७ वर्षीय तरुण ठार झाला.
सिन्नरबाजूकडून येणारी येणारी पल्सर मोटारसायकल व शिर्डी बाजूने येणारा आयशर ट्रक यांच्यात हा अपघात झाला. मयत दुचाकीस्वार वारी शिंगवे ता. कोपरगाव येथील आहे . तर ट्रक निमोण ता. संगमनेर येथील आहे.
वावी पोलिसांनी अपघातस्थळी धाव घेत मृतदेह ग्रामीण रुग्णालयात हलवला. उशिरा अपघात प्रकरणी ट्रक चालकाविरुद्ध गुन्हा दाखल करण्यात आला.