टाकेद : टाकेद परिसरातील घोडेवाडी बिबट्याच्या हल्ल्यात दोन मुले जखमी झाल्याची घटना घडली आहे. दुपारी एक वाजेच्या सुमारास ही घटना घडली. दरम्यान दोन्ही जखमींना ग्रामीण रुग्णालय धामणगाव येथे पुढील उपचारासाठी दाखल करण्यात आले आहे.
गेल्या दहा ते पंधरा दिवसांपासून हा परिसर बिबट्याच्या दहशती खाली आहे. बिबट्याचा वावर दिवसाढवळ्या असल्याने परिसरातील नागरिकांमध्ये भीतीचे वातावरण आहे. दिवसा जाण्यासाठी देखील शेतकरी घाबरत आहेत. यासाठी लवकर परिसरात पिंजरा लावण्याची मागणी स्थानिक ग्रामस्थांनी केली आहे.