नाशिक : नाशिक -त्र्यंबक मार्गावरील ब्रम्हा व्हॅलीजवळ अज्ञात वाहनाच्या धडकेत बिबट्याचा मृत्यू झाल्याची घटना घडली. रविवारी (दि. १६) पहाटे ४ ते ५ च्या सुमारास घडली. .
दरम्यान ब्रम्हा व्हॅलीजवळ सकाळच्या सुमारास गंभीर जखमी अवस्थेतील बिबट्या ग्रामस्थांना आढळला. रस्ता ओलांडण्याच्या प्रयत्नात अज्ञात वाहनाने धडक दिल्याने त्याचे पाय व मागच्या बाजूला गंभीर जखमा होऊन रक्तस्त्राव झाला होता. जखमी अवस्थेत त्याला चालताही येत नव्हते. यावेळी ग्रामस्थांनी वनविभागाला घटनेची माहिती दिली. घटनास्थळी दाखल झालेल्या वनविभागाच्या कर्मचाऱ्यांसमोरच बिबट्याने प्राण सोडला.
- Advertisement -
यानंतर बिबट्यावर अंत्यसंस्कार करण्यात आले असून अजून किती बिबट्यांचा बळी जाणार आहे, असा प्रश्न वनविभागाकडून उपस्थित केला जात आहे.
