नाशिक । प्रतिनिधी
शहरात गेल्या 40 दिवसात करोना बाधीत रुग्णांची संख्या 45 पर्यत गेली असुन 30 असलेली प्रतिबंधीत क्षेत्रांची संख्या तीनने कमी होऊन 27 झाली आहे. चौथा लॉकडाऊन सुरू होण्यास काही तास बाकी असले तरी शहरातील नागरिक व वाहनांची वर्दळ पाहता लॉकडाऊन संपला कि काय असे चित्र दिसत आहे. प्रतिबंधीत क्षेत्रात अडकुन पडलेल्या 20 हजाराच्यावर नागरिकांपैकी 8 हजार नागरिकांची बंधनातून सुटका झाली असुन चार दिवसात अजुन 2 प्रतिबंधीत क्षेत्राचा कालावधी पुर्ण होणार आहे.
जगभरात थैमान घालणार्या करोना विषाणुचा मोठा फटका आता भारताला बसु लागला असुन बाधीतांचा आकडा दररोज हजारोंने वाढत चालल्याने सर्वांची चिंता वाढली आहे. देशातील मृत्युचे प्रमाण इतर देशांच्या तुलनेत कमी असले तरी रुग्णांचा वाढता आकडा सर्वांना सतावत आहे. नाशिक शहरात गेल्या 6 एप्रिल रोजी पहिला रुग्ण आढळून आला होता.
नवीन नाशिक भागात असलेल्या गोविंदनगर मनोहरनगर भागातील व्यक्ती ही दिल्ली आग्रा प्रवास करुन नाशिकला पोहचल्यानंतर त्यास करोनाची बाधा झाल्याचे समोर आले होते. याच दिवशी महापालिका आयुक्तांनी शहरातील गोविदंनगर हा परिसर पहिले प्रतिबंधीत क्षेत्र जाहीर केले होते. त्यानंतर 10 एप्रिल रोजी 2, 15 व 16 एप्रिलला प्रत्येक 1 व 24 एप्रिलला 1 असे एप्रिल महिन्यात शहरात 6 प्रतिंबंधीत क्षेत्र जाहीर होऊन यादरम्यान 10 करोना बाधीत रुग्ण आढळून आले होते.
नंतर मे महिन्यात केवळ 10 दिवसात 28 करोना बाधीत रुग्ण वाढत जाऊन पहिल्या 6 प्रतिबंधीत क्षेत्रात 21 प्रतिबंधीत क्षेत्राची भर पडल्याने ही संख्या 27 पर्यत पोहचली गेली होती. नंतरच्या 6 दिवसात (दि.16 मेपर्यत)यात 3 प्रतिबंधीत क्षेत्र आणि एकुण रुग्ण संख्या 45 पर्यत जाऊन पोहचली आहे. दरम्यान गेल्या 40 दिवसात शहरात 45 बाधीत झाले असले तरी यापैकी 18 रुग्ण बरे होऊन घरी पोहचले आहे.
तर या कालावधीत केवळ 2 मृत्यु झाले असुन यात मालेगांव येथे बंदोबस्तास जाऊन बाधा झालेल्या पोलीस सेवकांचा समावेश आहे. सध्या नाशिक शहरातील मृत्युचे अल्प प्रमाण आणि बाधी घरी जाण्याचे प्रमाण निम्म्यापर्यत पोहचले असल्याने नाशिककरांना मोठा दिलासा मिळाला आहे.
3 क्षेत्र वगळले ; 8 हजार नागरिकांना दिलासा
गेल्या 40 दिवसात 30 भागात करोना बाधीत आढळल्याने याठिकाणी 1000 मीटर क्षेत्र रेड व बफर झोन असे प्रतिबंधीत क्षेत्र जाहीर करण्यात आले होते. यातील नाशिकरोड धोंगडे मळा, सातपूर अंबड लिंकरोड संजीवनगर व वृंदावननगर म्हसरूळ अशा तीन प्रतिबंधीत क्षेत्रातील चौदा दिवसांचे सर्व्हेक्षण पुर्ण झालेले असल्याने हे तीनही भाग प्रतिबंधीत क्षेत्रातून वगळण्यात आले आहे. या आयुक्तांच्या आदेशामुळे याभागात घरात अडकुन पडलेले सुमारे 8 हजार नागरिकांनी सुटकेचा नि:श्वास टाकला आहे. या भागात आता सकाळी 9 ते सायं. 5 पर्यत व्यवहार सुरळीत झाले आहे.
100 वैद्यकिय पथकांकडुन आरोग्य तपासणी
दीड महिन्याच्या कालावधीत नाशिक महापालिकेच्या सार्वजनिक आरोग्य व वैद्यकिय विभाग वैद्यकिय अधिकारी, मलेरिया कमर्र्चारी व आशा वर्कर यांच्यासह सर्वच विभागाच्या अधिकार्यांकडुन करोना प्रादुर्भाव रोकण्यासाठी शर्थीचे प्रयत्न सुरू आहे. शहरात जसजसे करोना बाधीत रुग्ण आढळले, तस तसे तो भाग प्रतिबंधीत क्षेत्र म्हणुन जाहीर करीत आयुक्तांकडुन याठिकाणी वैद्यकिय विभागाच्या अधिकार्यावर सर्व्हे समन्वयक म्हणुन जबाबदारी दिली होती. एकुण 30 प्रतिबंधीत क्षेत्रात 100 पथकाकडुन घरोघरी जाऊन जाऊन आरोग्य सर्व्हेक्षण करण्यात आले. यामुळे बाधीतापासुन इतरांना संसर्ग झाला नाही. तसेच बाधीतांपैकी 18 रुग्ण बरे होऊन घरी गेले.
शहरातील प्रतिबंधीत क्षेत्रांची कालावधी स्थिती
प्रतिबंधीत क्षेत्र नाव कालावधी सुरू कालावधी पर्यत
गोविंदगर (न.नाशिक) 6/4/2020 -18/5/2020
नवश्या गणपती 10/42020 – 22/5/ 2020
समाज कल्याण का. 15/5/2020 – 27/5/2020
सावतानगर(न.नाशिक) 2/5/2020 – 13/6/2020
उत्तमनगर(न.नाशिक) 2/5/2020 – 13/6/2020
पाथडी फाटा परिसर 2/5/2020 – 13/6/2020
सातपूर कॉलनी 2/5/2020 – 13/6/2020
जनरल वैद्यनगर 3/5/2020 – 14/6/2020
बजरंगवाडी 5/5/2020 – 16/6/2020
शांतीनिकेतन चौक 6/5/2020 – 17/6/2020
माणेक्षानगर द्वारका 6/5/2020 – 17/6/2020
समतानगर टाकळीरोड 7/5/2020 – 18/6/2020
पाटीलनगर न.नाशिक 8/5/2020 -19/6/2020
हनुमानचौक न.नाशिक 8/5/2020 – 19/6/2020
जाधव संकुल 8/5/2020 – 19/6/2020
हिरावाडी पंचवटी 8/5/2020 – 19/6/2020
श्रीकृष्णनगर 8/5/2020 – 19/6/2020
इंदिरानगर 9/5/2020 – 20/6/2020
तारवालानगर 9/5/2020 – 20/6/2020
हिरावाडी आयोध्यानगरी 9/5/2020 – 20/6/2020
कोणार्कनगर नं. 2 9/5/2020 – 20/6/2020
धात्रक फाटा सागर व्हि.9/5/2020 – 20/6/2020
धात्रकफाटा हरि दर्शन 9/5/2020 – 20/6/2020
सिन्नर फाटा ना.रोड 10/5/2020 – 21/6/2020
काठे गल्ली द्वारका 13/5/2020 – 4/6/2020
नवश्या गणपती(2) 14/5/2020 – 25/6/2020
पंडीतनगर न. नाशिक 14/5/2020 – 25/6/2020