जळगावात आढळले आणखी चार करोना पॉझिटिव्ह रुग्ण
स्थानिक बातम्या

जळगावात आढळले आणखी चार करोना पॉझिटिव्ह रुग्ण

Balvant Gaikwad

Balvant Gaikwad

जिल्ह्यात स्वॅब घेतलेल्या २२ कोरोना संशयित व्यक्तीचे नमुना तपासणी अहवाल सोमवारी प्राप्त झाले. यापैकी १८ व्यक्तीचे  अहवाल निगेटिव्ह आले असून चार रुग्णांचे अहवाल पॉझिटिव्ह आले आहेत, अशी माहिती जिल्हा प्रशासनाच्या वतीने देण्यात आली आहे.

पॉझिटिव्ह आढळलेले चारही रुग्ण जळगाव शहरातील आहेत. यात जळगावातील मारुतीपेठमधील ४९ वर्षीय महिला, ओंकारनगरातील ७९ वर्षीय पुरुष, प्रतापनगरातील ३२ वर्षीय महिला, तर डॉ. उल्हास पाटील वैद्यकीय महाविद्यालयाील २३ वर्षीय तरुणाचा समावेश आहे.

पॉझिटिव्ह आतापर्यंत १७६

जिल्ह्यात सोमवारी कोरोना पॉझिटिव्ह तीन रुग्णांचा मृत्यू झाला आहे. यात जळगावातील एक ५० वर्षीय पुरुष व एक ५५ वर्षीय महिलेचा तर चोपडा येथील एका ५५ वर्षीय महिलेचा समावेश आहे.

जिल्ह्यात कोरोना पॉझिटिह रुग्णांची आतापर्यंत १७६ संख्या झाली असून त्यापैकी २५ रुग्णांचा मृत्यू झाला आहे. तर २३ रुग्ण कोरोनामुक्त होऊन घरी गेले आहेत.

Deshdoot
www.deshdoot.com