Photo Gallery  : डॉ. श्रीराम लागू यांच्या पार्थिवावर शासकीय इतमामात अंत्यसंस्कार
स्थानिक बातम्या

Photo Gallery : डॉ. श्रीराम लागू यांच्या पार्थिवावर शासकीय इतमामात अंत्यसंस्कार

Balvant Gaikwad

Balvant Gaikwad

पुणे –  डॉ. श्रीराम लागू यांच्या पार्थिवावर आज शासकीय इतमामात पुण्यातील वैकुंठ स्मशानभूमी येथे अंत्यसंस्कार करण्यात आले. डॉ. लागू निरीश्वरवादी असल्यामुळे अंत्यसंस्कारावेळी कोणत्याही धार्मिक विधी करण्यात आल्या नाहीत.

डॉ. लागू यांचे मंगळवारी वृद्धापकाळाने निधन झाले होते. त्यांचा मुलगा आनंद हा अमेरिकेहून येणार असल्याने त्यांचे पार्थिव दीनानाथ रुग्णालयात ठेवण्यात आले होते.

आज सकाळी १० ते ११  या वेळेत त्यांचे पार्थिव अंत्यदर्शनासाठी बालगंधर्व रंगमंदिर येथे ठेवण्यात आले होते.यावेळी ज्येष्ठ अभिनेते नाना पाटेकर, अभिनेत्री शुभांगी गोखले, अभिनेते राजन भिसे, अमोल पालेकर, मनसे अध्यक्ष राज ठाकरे, खासदार गिरीश बापट, आमदार मुक्ता टिळक यांच्यासह अनेकांनी त्यांच्या पार्थिवाचे दर्शन घेतले.

त्यानंतर लागू यांच्या पार्थिवावर वैकुंठ स्मशानभूमीत शासकीय इतमामात अंत्यसंस्कार करण्यात आले.त्यांच्या पश्चात पत्नी अभिनेत्री दीपा श्रीराम, मुलगा आनंद लागू, मुलगी डॉ. शुभांगी कानिटकर, जावई डॉ. श्रीधर कानिटकर आणि लागू कुटुंबीय असा परिवार आहे.

Latest Marathi News, Marathi News Paper, Breaking News In Marathi, Marathi Batmya Live
www.deshdoot.com