आतापर्यंत 37 जणांनी केली मात
येथील श्री भाऊसाहेब हिरे शासकीय वैद्यकीय महाविद्यालय व सर्वोपचार रुग्णालयातून आज पुन्हा 12 जणांना डिस्चार्ज देण्यात आला. त्यांनी कोरोना विषाणूवर मात केली आहे. त्यात एका डॉक्टराचा समावेश आहे. त्यामुळे धुळे जिल्ह्यातून आतापर्यंत 37 जणांनी कोरोना विषाणूवर मात केली आहे.
धुळे जिल्ह्यात कोरोना विषाणूचे आतापर्यंत 69 रुग्ण आढळून आले आहेत. त्यापैकी नऊ जणांचा मृत्यू झाला आहे. आतापर्यंत 25 रुग्ण कोरोना विषाणूपासून मुक्त झाले आहेत. त्यानंतर आज या 12 जणांना डिस्चार्ज देण्यात आला.
यावेळी श्री भाऊसाहेब हिरे शासकीय वैद्यकीय महाविद्यालयाचे अधिष्ठाता डॉ. नागसेन रामराजे, नोडल अधिकारी तथा वैद्यकीय अधीक्षक डॉ. राजकुमार सूर्यवंशी, विशेष कार्य अधिकारी डॉ. दीपक शेजवळ, डॉ. निर्मल रवंदळे, डॉ. अरुण मोरे, डॉ. अनंत बोर्डे, डॉ. राजेश सुभेदार, डॉ. परवेज मुजावर, डॉ. रामानंद, अधिसेविका अरुणा भराडे, नागेश सावळे, गिरीश चौधरी आदी उपस्थित होते.
