जुने नाशिक l Old Nashik (प्रतिनिधी) :
नाशिक महापालिका शिक्षण मंडळाच्या उर्दू माध्यमातील शाळांचे केंद्र प्रमुख सगीर शेख व शिक्षिका फरजाना शेख यांना बंगळूरु येथील राष्ट्रीय स्तरावरील शैक्षणिक आगाज संस्थेतर्फे स्मार्ट शिक्षक म्हणून गौरविण्यात आले आहे.
करोनामुळे या दोघा पुरस्कार्थींपर्यंत त्यांचे प्रमाणपत्र नुकतेच पोहोचविण्यात आले आहे.
केंद्र प्रमुख सगीर शेख व शिक्षिका श्रीमती फरजाना शेख या नवराबायको जोडीने उर्दू व सेमी इंग्रजी माध्यमाच्या इयत्ता पहिली ते दहावी पर्यंतच्या शाळांतील विद्यार्थी व शिक्षकांसाठी राज्यस्तरीय सफा एज्युकेशनल ऑनलाइन ग्रुपची निर्मिती केली असून या ग्रुपवरून सुमारे चार हजार विद्यार्थी व पाचशे शिक्षक शिक्षिका जोडले गेले आहेत.
या ग्रुपवरून दररोज सर्व विषयांचे अभ्यासक्रमावर आधारित शिक्षण दिले जाते. तसेच जयंती पुण्यतिथी व विविध सणानिमित्त स्पर्धांचे आयोजन केले जातात.
आठवड्यातून एक दिवस चाचणी घेतली जाते व ही सर्व सेवा मोफत पुरविली जाते, अशी माहिती ग्रुपचे संस्थापक सगीर शेेख यांनी दिली आहे. या दोघांना पुरस्काराबद्दल मनपा शाळेतील शिक्षक वृंदातर्फे आनंद व्यक्त करण्यात आला आहे.
