शनीशिंगणापूर |वार्ताहर| ShaniShignapur
येथील शनैश्वर देवस्थानचे मुख्य कार्यकारी अधिकारी म्हणून जी. के. दरंदले यांची तर उप कार्यकारी अधिकारी म्हणून तांत्रिक विभागाचे नितीन शेटे यांची निवड करण्यात आली असल्याची माहिती अध्यक्ष भागवत बानकर यांनी दिली.
विश्वस्त मंडळाच्या बैठकीत बर्याच महिन्यापासून रिक्त असलेल्या दोन्ही पदासाठी मुलाखती घेऊन या निवडी घोषित करण्यात आल्या.
जी. के. दरदले 24 वर्षापासून देवस्थानच्या सेवेत असून त्यांनी सहा वर्षांहून अधिक काळ सहायक कार्यकारी अधिकारी म्हणून काम पाहिले आहे.नितीन शेटे यांनीही सहा वर्षे तांत्रिक अधिकारी म्हणून काम पाहिले आहे. नूतन अधिकार्यांचा सन्मान देवस्थानच्या वतीने करण्यात आला. मंत्री ना.शंकरराव गडाख यांच्या नेतृत्वाखाली शनी भक्तांना सुविधा उपलब्ध करून त्या पुरवण्याचा प्रयत्न राहणार असल्याचे श्री. दरंदले म्हणाले.
