जळगाव – Jalgaon
जिल्हयात तसेच जळगाव तालुक्यात सार्वजनिक वितरण व्यवस्थेअंतर्गत राष्ट्रीय अन्नसुरक्षा योजना, अंत्योदय योजना अशा प्रत्येक लाभार्थ्यांचे मोबाईल व आधार क्रमांकाचे सीडींग 31 जानेवारीपर्यत प्रत्येक दुकानावर पूर्ण करण्याचे केंद्र शासनाचे निर्देश देण्यात आले होते.
त्यानुसार जिल्ह्यात आतापर्यत सहा लाखांपेक्षा अधिक शिधापत्रिकेतील एका व्यक्तींचे आधार सिडींग करण्यात आले असल्याची माहिती जिल्हा पुरवठा विभाग सुत्रांनी दिली.
दि.30 जानेवारी 2021 अखेर शहरी व ग्रामीण भागातील रेशन दुकानदार यांनी त्यांच्याकडे असलेल्या लाभार्थ्यांचे आधार व मोबाईल लिंकिंगचे कार्य पूर्ण करावे. जेणेकरून कोणताही लाभार्थी अन्नधान्यापासून वंचित राहणार नाही याची काळजी घ्यावी असे आवाहन जिल्हा प्रशासनाकडून करण्यात आले होते.