अ‍ॅक्सिस बँकेतील पोलिसांची खाती स्टेट बँकेत वळवणार ?

मुंबई – राज्यातील पोलिसांची वेतन खाती अ‍ॅक्सिस बँकेकडे वर्ग करण्याचा फडणवीस सरकारचा निर्णय मुख्यमंत्री उद्धव ठाकरे बदलणार असल्याचं वृत्त आहे.

साधारण दोन लाख पोलीस कर्मचार्‍यांची वेतन खाती अ‍ॅक्सिस बँकेतून पुन्हा स्टेट बँक ऑफ इंडिया या राष्ट्रीय बँकेत वर्ग करण्यात येतील, अशी शक्यता व्यक्त केली जात आहे.

देवेंद्र फडणवीस मुख्यमंत्री असताना पोलिसांची खाती अ‍ॅक्सिस बँकेत वळवण्यात आली होती. देवेंद्र फडणवीस यांच्या पत्नी अमृता फडणवीस अ‍ॅक्सिस बँकेत वरिष्ठ पदावर कार्यरत आहेत.

त्यामुळे ठाकरे सरकारनं पोलिसांची खाती वळती करण्याचा निर्णय घेतल्यास अमृता फडणवीस यांच्यासाठी मोठा धक्का असेल, अशी चर्चा राजकीय वर्तुळात आहे.

अमृता फडणवीस यांनी ट्विटरवरून ठाकरे आणि ठाकरे सरकारवर टीका केल्याच्या पर्श्वभूमीवर हा निर्णय घेतला जाणार असल्याचे बोलले जात आहे.