सिन्नर । प्रतिनिधी Sinnar
सिन्नर तालुक्यात नायगावला करोनाच्या पार्श्वभूमीवर बंद ठेवण्याचा निर्णय घेण्यात आला आहे.
- Advertisement -
शुक्रवारपासून दि. ४ पासून मंगळवार (दि. ८) पर्यंत गाव पूर्ण बंद ठेवण्याचा निर्णय नायगाव ग्रामपंचायतीने घेतला आहे.
या पाच दिवसांच्या काळात दवाखाने व मेडिकल दुकाने ही अत्यावश्यक सेवा वगळता सर्व दुकाने बंद राहतील. दूध डेअरी सकाळी ७ ते ९ व सायंकाळी ६ ते ८ पर्यंत सुरू राहतील.
या आदेशाचे पालन न करणार्‍या व्यापार्‍यांविरोधात कायदेशीर कारवाई करण्यात येणार आहे. मास्क न वापरता फिरणार्‍यांना पाचशे रुपयांचा दंड करण्यात येईल, असेही प्रशासनाने प्रसिद्धपत्रकाद्वारे स्पष्ट केले आहे.
ग्रामपंचायतीच्या प्रशासकांसह ग्रामविकास अधिकारी, पोलीसपाटील, तंटामुक्ती समितीचे अध्यक्ष यांच्या सहीने हे पत्रक प्रसिद्ध करण्यात आले आहे.
