वाडीवर्‍हे | वार्ताहर Vadivarhe
महावितरण वितरण (MSEDCL) कर्मचार्‍यांनी सूचना दिलेली नसताना शेतकर्‍यांची विज तोड़ली. परिसरातील दहा ते बारा गावातील संतप्त शेतकर्‍यांनी (farmers) महावितरण कार्यालयावर मोर्चा काढून अधिकार्‍यांना घेरावा घातला.
मागण्याचे निवेदन (memorandam) दिले. पुरवठा सुरळीत केला नाही तर, आंदोलन (agitation) करण्यात येईल, असा इशारा दिला. यावेळी शिवसेनेचे (shiv sena) माजी तालुका प्रमुख राजू नाठे, शेकापचे संदीप पागेरे, वाडीव-हेचे सरपंच रोहिदास कातोरे,कु-हेगावचे सरपंच भाऊसाहेब धोंगड़े, मुरंबीचे सरपंच बापू मते, सांजेगावचे सरपंच नीता गोवर्धने, भाजपचे दशरथ दिवटे, यांच्याबरोबरच शेतकरी मोठ्या संख्येने उपस्थित होते.
महावितरण कंपनीने परिसरातील वाडीव-हे,मुरंबी, सांजेगाव,गड़गड सांगवी, लहंगेवाड़ी, गोन्दे, पाडळी,कु-हेगाव, बेलगांव,अस्वलि स्टेशन, नांदगांव बु.. आदि परिसरातील विज कनेक्शन तोडल्याने शेतकरी संतप्त झाले आहेत. महामार्गावर रास्ता रोको आंदोलन करण्याचा इशारा निवेदनाद्वारे दिला आहे.
