नाशिक । प्रतिनिधी Nashik
महाराष्ट्र राज्य लोकसेवा आयोगाच्या विविध पूर्व परीक्षांच्या तारखा आयोगाने जाहीर केल्या आहेत. या परीक्षा ऑक्टोबर 2020 मध्ये होणार होत्या. पण विविध कारणांमुळे त्या पुढे ढकलण्यात आल्या.
या परीक्षांमध्ये राज्य सेवा पूर्व परीक्षा 2020, महाराष्ट्र अभियांत्रिकी सेवा पूर्व परीक्षा 2020 आणि महाराष्ट्र दुय्यम सेवा अराजपत्रित गट – ब संयुक्त पूर्व परीक्षा 2020 या परीक्षांचा समावेश आहे. या सर्व प्रलंबित परीक्षा आता मार्च आणि एप्रिल 2021 मध्ये होणार आहेत.
कोविड-19 संदर्भात शासनाकडून वेळोवेळी आलेल्या सूचनांच्या अनुषंगाने उपाययोजना करून या परीक्षांचे आयोजन करण्यात येईल असे महाराष्ट्र राज्य लोकसेवा आयोगाच्या पूर्व परीक्षा सह सचिवांनी म्हटले आहे.
परीक्षांच्या तारखा पुढीलप्रमाणे – राज्य सेवा पूर्व परीक्षा 2020 – 14 मार्च 2021, महाराष्ट्र दुय्यम सेवा अराजपत्रित गट – ब संयुक्त पूर्व परीक्षा – 11 एप्रिल 2021, महाराष्ट्र अभियांत्रिकी सेवा पूर्व परीक्षा 2020 – 27 मार्च 2021
