‘कॅट’ महाराष्ट्र उपाध्यक्षपदी मेहूल थोरात

नाशिक । प्रतिनिधी

देशभरातील व्यापाऱ्यांचे सर्वोच्च संघटन असलेल्या ‘कॅट’ अर्थात अखील भारतीय व्यापारी महासंघाच्या महाराष्ट्र राज्य समितीच्या उपाध्यक्षपदी नाशिक सराफ असोसिएशनचे विद्यमान उपाध्यक्ष मेहुल यशवंत थोरात यांची निवड झाली आहे….

कॅटचे नॅशनल सेक्रेटरी जनरल प्रवीण खंडेलवाल व राष्ट्रीय अध्यक्ष बी. सी. भारतीया यांनी नुकतेच मेहुल थोरात यांना नियुक्तीचे पत्र दिले आहे.

देशांतील व्यापाऱ्यांच्या हितासाठी काम करणारी व ग्राहकांना समाधानकारक सेवा देण्यासाठी कटीबध्द असलेल्या व्यापाऱ्यांच्या सर्वोच्च संघटनेच्या राज्य उपाध्यक्षपद मेहुल थोरात यांची निवड झाल्याने एआयजीजेएफचे प्रमुख नितीन केडीया व कॅटचे महाराष्ट्र सेक्रेटरी महेश बखीया, नाशिक सराफा असोसिएशनचे अध्यक्ष चेतन राजापूरकर यांच्यासह नाशिकच्या व्यापारी संघटनांनी स्वागत केले आहे.