भुसावळ -प्रतिनिधी- Bhusawa :
शहरातील आठवडे बाजार भागात भाजीपाला विक्रेत्याला लिलाव ठिकाणी रात्री ८:०० वाजेला पंचशील नगर भागातील दोघांनी भांडण करून चाकू हल्ला करून दुखापत केल्याप्रकरणी बाजारपेठ पोलिस स्टेशनला गुन्हा नोंद करण्यात आला आहे.
सविस्तर वृत्त असे की, फिर्यादी पवन मोहन चौधरी (वय ३०) राहणार श्रीराम नगर यांनी दिलेल्या फिर्यादीवरून दिनांक ९ ऑगेस्ट २०२० रोजी भाजीपाल्याच्या लिलावाच्या कारणावरून आरोपी धम्मा सुरळकर व रितीक नरेंद्र चौधरी राहणार पंचशील नगर या दोघांनी रात्री ८:०० वाजेला फिर्यादी पवन मोहन चौधरी सोबत भांडण करून धम्मा सुरळकर याने फिर्यादीच्या उजव्या हाताच्या दंडावर चाकू करून दुखापत केली. म्हणून बाजारपेठ पोलीस स्टेशनला गुरुन ७७१/२०२० भाग-५ भा.द.वि कलम ३२४,३२३, ५०४,५०६,३४ प्रमाणे गुन्हा नोंद करण्यात आला आहे.तपास पोना निलेश बाविस्कर करीत आहे.
