नेवासा |तालुका प्रतिनिधी| Newasa
नेवासाा तालुक्यातील जेऊर हैबती येथील रामबाबा मंदिर परिसरात मुरूम व मातीचे बेकायदा उत्खनन केल्याप्रकरणी प्रशासनाकडून उत्खनन करणार्यांवर कारवाई केली जात नसल्याच्या निषेधार्ध व महसूल अधिकार्यांनाच तातडीने निलंबित करण्याच्या मागणीसाठी राष्ट्रपिता म. गांधी जयंतीच्या दिवशी शनिवार दि.2 ऑक्टोबर रोजी जिल्हाधिकारी कार्यालयासमोर अमरण उपोषण करण्याचे लेखी निवेदन सामाजिक कार्यकर्ते बाळासाहेब फुलमाळी यांनी जिल्हाधिकार्यांना दिले आहे.
- Advertisement -
बेकायदा उत्खनन करून शेकडो ब्रास मुरूम व मातीची चोरी केलेली असून ग्रामस्थांनी चोरी करणारांची नावे व यंत्राचे नंबर देऊनही महसूल प्रशासनाकडून कोणतीच कारवाई केली जात नसून उलटपक्षी आंदोलकांनाच दमबाजी करत असल्याचा आरोप करून या महसूल अधिकार्यांनाच निलंबित करण्याची मागणी केली आहे.
