तरस सदृष्य प्राण्याच्या हल्ल्यात शेतकरी गंभीर जखमी

आश्वी |वार्ताहर| Ashwi

संगमनेर तालुक्यातील पिप्रीं – लौकी अजमपूर शिवारात शेतकरी रामदास विठ्ठल गिते (वय 36) यांच्यावर तरस सदृष्य प्राण्याने हल्ला केल्याची घटना रविवारी रात्री घडली. या घटनेनंतर परिसरात दहशतीचे वातावरण निर्माण झाल्याचे चित्र आहे.

गायरान जमीन अतिक्रमणप्रश्नी नोटीस बजावलेल्यांवर तूर्त कारवाई करू नका

पिप्रीं – लौकी अजमपूर शिवारात शेतकरी रामदास विठ्ठल गिते यांची शेती व राहते घर आहे. रविवारी रात्री 11 वाजेच्या सुमारास ते आपल्या घरासमोरील पडवीत गाढ झोपलेले होते. यावेळी त्याच्यावर तरस सदृष्य प्राण्याने हल्ला केला. जोर-जोरात गिते यांनी आरडाओरड केल्यामुळे त्या हिंस्र प्राण्याने तेथून पळ काढला. त्यामुळे त्यांच्या हाताला गंभीर दुखापत झाली होती.

कालव्यांच्या कामाची स्थिती दोन दिवसात स्पष्ट करा

त्यामुळे तात्काळ उपचारासाठी त्यांना प्रवरा ग्रामीण रुग्णालय येथे दाखल केल्यानंतर कुटुंबीयांनी त्यांना पुढील उपचारासाठी नगर येथील सिव्हिल रुग्णालयात दाखल केले असून तेथे त्यांच्यावर उपचार सुरु आहेत. या हल्ल्याची माहिती सामाजिक कार्यकर्ते भारतराव गिते यांनी राज्याचे महसूलमंत्री ना. विखे पाटील यांना फोनवरुन कळवताच विखे पाटील यांनी सिव्हिल रुग्णालयात फोन करुन जखमी रामदास गिते यांच्या तब्बेतीची विचारपूस केली असल्याचे भारतराव गिते यांनी सांगितले आहे.

निळवंडेच्या कामात दिरंगाई खपवून घेणार नाही

घटनेची माहिती मिळताच सकाळी उपसरपंच दौलत दातीर, ग्रामपंचायत सदस्य बाजीराव गिते, मनीषा अशोकराव गिते, राजू पिंजारी, सुभाष मुंढे, भाऊसाहेब वाघे, शरद बिडवे, गोरक्षनाथ वाघे, गजानन घुगे, एकनाथ गिते, सोमनाथ गिते, मनोज खेडकर, आदिनाथ मुंढे आदिंनी घटनास्थळी धाव घेऊन पाहणी करत गिते यांना मदतीचे आवाहन केले आहे.

राज्यातील हजारो शिक्षकांवर कुर्‍हाड कोसळणार!