गोड रसाळ फळे कोणाला आवडणार नाहीत आणि अशी फळे जर स्वप्नात दिसली तर ते एक गोड स्वप्नासारखे असते. स्वप्नशास्त्रात देखील त्यांना खूप शुभ मानतात.
स्वप्नशास्त्रानुसार स्वप्नात अशी गोड फळे खाताना पहिल्याने वास्तविक जीवनात देखील त्याचे खूप गोड फळ मिळते. स्वप्नांमध्ये फळांचे दिसणे आनंद, समृद्धी आणि संपत्तीशी संबंधित आहे. हे आयुष्यातील सद्भावना आणि आनंदाचे प्रतिक मानले जाते. स्वप्नात फळ खाताना दिसणे हे आर्थिक स्थिती चांगली असण्याचे लक्षण आहे. स्वप्नात वेगवेगळी फळे पाहण्याचा काय अर्थ आहे ते जाणून घेऊया…
स्वप्नात केळं दिसले तर-
स्वप्नात केळीचे झालेले दर्शन तुमच्या वैवाहिक जीवनातील आनंद आणि जिव्हाळ्याचा नातेसंबंध आनंदाचे असल्याचे सूचित करते. दुसरीकडे, जर तुम्ही स्वप्नात केळी खाल्ली असतील तर याचा तुम्ही तुमच्या वैवाहिक जीवनात पूर्णपणे समाधानी आहात आणि जोडीदारासह तुमचे भविष्य खूप आनंदी होणार आहे.
जर स्वप्नात हिरवी द्राक्षे दिसली तर –
स्वप्नात हिरवी द्राक्षे दिसली तर तुमचे आरोग्य चांगले आहे आणि तुम्ही आनंदी आहात असे मानले जाते. जर तुम्ही स्वप्नात द्राक्षे खाल्याचे पहिले तर तुम्ही सर्व शारीरिक आणि मानसिक समस्येपासून दूर आहात असे मानले जाते. तुमचा चांगला काळ तुमची प्रतीक्षा करत आहे असे मानले जाते. अशी स्वप्न तुम्ही तुमच्या जवळच्या मित्राच्या आरोग्याबद्दल काळजीत असाल तर लवकरच त्याची तब्येत चांगली होईल असेही दर्शवतात.
स्वप्नात बेरी दिसत असेल तर –
स्वप्नात जर स्ट्रॉबेरी, ब्लूबेरी किंवा तत्सम फळ दिसले असेल तर ते अचानक मिळणारा आनंद दर्शवते. याचा अर्थ असा की, तुम्हाला लवकरच चांगली वार्ता मिळणार आहे. येत्या काळात तुम्हाला एखाद्या कामात अपेक्षेपेक्षा जास्त नफा मिळू शकेल. तुमच्या कुटुंबात काही वाद चालू असल्यास तेही येत्या काळात संपुष्टात येतील.
स्वप्नात डाळिंब दिसणे –
स्वप्नात पाहिलेले डाळिंब शुभ मानले जाते. विशेषत: आर्थिक बाबतीत हे अतिशय शुभ लक्षण आहे. जर तुम्ही आयुष्याच्या एका कठीण पर्वातून जात असाल आणि तुम्हाला स्वप्नात एक डाळिंब दिसले तर याचा अर्थ असा आहे की, लवकरच सर्व काही पूर्ववत होईल. परिस्थिती अनुकूल ठरेल आणि लवकरच सर्व काही आपल्या मर्जीनुसार होईल. आता सर्व चिंता संपणार आहेत. तुम्हाला कोणीतरी आवडत असेल आणि तिच्याशी लग्न करायचे असेल तर ही इच्छा लवकरच पूर्ण होईल हे सुद्धा स्वप्नात डाळिंब दिसण्याचे एक लक्षण आहे.
स्वप्नात संत्री खाताना दिसणे –
स्वप्नात संत्र खाणे हे चांगले मानले जाते. याचा अर्थ असा की, तुही लवकरच समाजात एक सन्माननीय स्थान प्राप्त करणार आहात आणि तुमची प्रतिष्ठा वाढत जाईल. संत्र स्वप्नात पाहणे तुमच्या भौतिक सुविधांमध्ये वाढ आणि व्यावसायिक जीवनात प्रगती दर्शवते.
स्वप्नात अननस पाहणे –
स्वप्नात अननस दिसल्यास हे लक्षात येते की, वास्तविक जीवनात प्रत्येक गोष्ट हळूहळू तुमच्या आवडीनुसार घडत आहे, तुमचे जीवन सुंदर होत आहे. सुरुवात कशी झाली हे महत्त्वाचे नसले तरी अंत तुमच्यासाठी अनुकूल असेल. याचा अर्थ असा की, कठोर परिश्रमानंतरही सुरुवातीला तुम्ही अपयशी ठरू शकता, परंतु नंतर सर्वकाही तुमच्या इच्छेनुरूप होईल.
स्वप्नात पेरू खाल्ला असे दिसले तर –
स्वप्नात झाडावरून पेरू तोडणे किंवा ते खाणे हे प्रेम जीवनातील समरसतेचे व गोडव्याचे प्रतिक आहे. ज्या लोकांच्या नात्यांमध्ये कटुता आली आहे त्यांचे नातेसंबंध परत पूर्ववत होतील असेही सूचित करते. तुम्ही तुमच्या जोडीदारासह मतभेद दूर करण्यात सक्षम असाल.
