चिन्याच्या मृत्यू प्रकरणात आठ जणांची साक्ष

जळगाव – Jalgaon – प्रतिनिधी :

जिल्हा कारागृहातील बंदी चिन्या ऊर्फ रविंद्र जगताप यांच्या मृत्यू प्रकरणी न्यायाधीश डी.बी.साठे यांच्या न्यायालयात गुरुवारी आठ जणांची साक्ष नोंदविण्यात आली आहे.

जळगाव जिल्हा कारागृह अधीक्षक पेट्रस गायकवाड, जितेंद्र माळी यांच्यासह संबंधित दोषींवर खुनाचा व पुरावा नष्ट केल्याचा गुन्हा दाखल करावा, अशी मागणी चिन्याची पत्नी मीना जगताप हिने केली आहे.

या प्रकरणात प्रत्यक्षदर्शी साक्षीदार मनोज जाधव व सचिन कोरके व कारागृह अधीक्षक पेट्रस गायकवाड यांची साक्ष नोंदविल्यानंतर गुरुवारी जळगाव जिल्हा कारागृहातून वर्ग झालेले जालना कारागृहातील बंदी राज चव्हाण, तसलीम काल्यासह जळगाव कारागृहातील कंपाऊंडर व पाच रक्षकांची साक्ष आज जिल्हा व सत्र न्यायालयातील न्या. डी.बी.साठे यांच्या न्यायालयात नोंदविण्यात आली आहे.