राहुरी |तालुका प्रतिनिधी| Rahuri
राहुरी तालुक्यातील सन 2019-2020 या सालात नियमीत कर्ज परतफेड करणार्या शेतकरी सभासदांना डॉ. पंजाबराव देशमुख पीक प्रोत्साहन योजनेअंतर्गत व्याज सवलत 3 टक्के व 1 टक्के अनुदान तालुक्यातील 108 विविध कार्यकारी सेवा संस्थेतील 1 हजार 411 शेतकरी सभासदांची रक्कम रु 30 लाख 24 हजार 366 रुपये सभासदांच्या खाती वर्ग करण्यात आली असल्याची माहिती जिल्हा बँकेचे संचालक अरुण तनपुरे यांनी दिली.
जिल्हा बँकेचे 35 हजार 879 तर राष्ट्रीयीकृत बँकांचे जवळपास 19 हजार शेतकरी पात्र ठरतील. जिल्हा मध्यवर्ती बँकेकडून व राष्ट्रीयीकृत बँकेकडून घेतलेल्या कर्जाची नियमित परतफेड करणार्या शेतकर्यांना दरवर्षी पंजाबराव देशमुख व्याजसवलत योजनेतून व्याजमाफी दिली जाते. परंतु गेल्या 3 वर्षांपासून प्रलंबित असलेली तालुक्यातील 108 विविध कार्यकारी सेवा संस्थेतील 1411 शेतकरी सभासदांना 30 लाख 24 हजार 366 रुपये त्यांचे खात्यावर वर्ग करण्यात आली असल्याची माहिती संचालक अरुण तनपुरे यांनी दिली.
