जळगाव – प्रतिनिधी- Jalgaon
पोळा या सणाच्या निमित्ताने जळगाव जिल्हयातील नागरिकांना आवाहन करण्यात येते की, त्यांनी बैल पूजा घरीच करावी, बैलांची मिरवणूक काढण्यात येवू नये, सार्वजनिक प्रसादाचे वाटप करण्यात येवू नये, तसेच कोणत्याही प्रकारे गर्दी होणार नाही याची सर्व नागरिकांनी दक्षता घ्यावी. असे आवाहन जिल्हाधिकारी अभिजीत राऊत यांनी केले आहे.
दिनांक ४ ऑगस्ट, २०२० रोजीच्या आदेशान्वये सर्व प्रकारचे राजकीय सामाजिक/ सांस्कृतिक/ शैक्षणिक/धार्मिक कार्यक्रम व इतर मोठ्या प्रमाणावर गर्दी होणारे सर्व कार्यक्रमांवर पूर्णपणे बंदी घालण्यात आली आहे. तसेच शासन परिपत्रक दिनांक १७ जुलै, २०२० नुसार सर्व जनावरांचे बाजार बंद करण्यात आले आहेत. तरी नागरिकांना जनावरे खरेदी करावयाची असल्यास त्यांनी ऑनलाईन पध्दतीने अथवा दूरध्वनीवरुन जनावरे खरेदी करावीत याबाबत सूचना देण्यात आलेल्या आहेत. या पार्श्वभूमीवर श्री. राऊत, जिल्हाधिकारी तथा अध्यक्ष, आपत्ती व्यवस्थापन प्राधिकारण यांनी याप्रमाणे आवाहन केले आहे.
