नाशिक । प्रतिनिधी | Nashik
पोलीस आयुक्तांनी (Commissioner of Police) परिपत्रक (Circular) जारी करत शहरात 31 डिसेंबर रात्री 12 ते 14 जानेवारी रात्री 12 वाजेपर्यंत 15 दिवसांकरिता जमावबंदी (Crowd ban) आदेश लागू केला आहे.
शहरात कायदा व सुव्यवस्था (Law and order) अबाधित राहण्याकरिता पोलीस आयुक्त अंकुश शिंदे (Commissioner of Police Ankush Shinde) यांनी परिपत्रक जारी करून मनाई आदेश लागू केला आहे. 31 डिसेंबर रात्री वर्ष समाप्ती व नववर्षाचे स्वागत मोठ्या प्रमाणावर केले जाते.
यासोबतच 1 जानेवारीला भीमा- कोरेगाव (Bhima Koregaon) येथे विजयस्तंभ येथे अभिवादन करण्याकरिता येतांना व जातांना त्याचे पडसाद इतरत्र उमटून कायदा सुव्यवस्थेचा प्रश्न निर्माण होऊ नये, या अनुषंगाने तसेच सत्ताधारी व विरोधकांमध्ये सुरु असलेले आरोप-प्रत्यारोप चालू आहेत.
महाराष्ट्र (maharashtra) व कर्नाटक (karnataka) सीमावाद यामुळे दावे-प्रतिदावे सुरु असून त्यानुषंगाने कायदा व सुव्यवस्थेचा प्रश्न निर्माण होऊ नये, याकरिता पोलीस आयुक्तांनी मनाई आदेश जारी करत जमावबंदी देखील लागू केली आहे.