घोटी | Ghoti
त्र्यंबकेश्वर तालुक्यातील वावीहर्ष येथील रेशन दुकानातून २० कट्टे रेशनिंगचा गहू विक्रीसाठी घेऊन जाणाऱ्या वाहनासह संशयितांना रंगेहाथ पकडण्यात आले.
याबाबत पुरवठा निरीक्षकांनी दिलेल्या फिर्यादीवरून घोटी पोलीस ठाण्यात गहू कट्टे, वाहन जप्त करण्यात येऊन गुन्हा दाखल करण्यात आला. या प्रकाराने इगतपुरी व त्र्यंबकेश्वर तालुक्यात खळबळ उडाली असून खुल्या बाजारात रेशनचे धान्य विकणा-यांचे धाबे दणाणले आहे.
श्रमजीवी संघटनेचे जिल्हा सरचिटणीस भगवान मधे, सरपंच बाबुराव बांगारे, तालुकाध्यक्ष भगवान डोखे आदींनी पाळत ठेऊन गावाबाहेत पकडला. त्यांनी तात्काळ त्र्यंबकेश्वर तहसील व घोटी पोलिसांना याबाबत फोनवरून माहिती दिल्याने यंत्रणेने तात्काळ धाव घेऊन मुद्देमाल व संशयितांना ताब्यात घेतले.
त्र्यंबकेश्वर पुरवठा निरीक्षक रमजान तडवी यांच्या फिर्यादीवरून घोटी पोलीस ठाण्यात गुन्हा दाखल करण्यात आला.
