Type to search

Featured आवर्जून वाचाच सेल्फी

जय श्री गणेश’ पानवाल्यांचे ‘लड्डू मिठा पान’ दोन महिन्यांपर्यंत टिकतात

Share

मुंबई  दि. २१ प्रतिनिधी | पान खाणे हे एक व्यसन होते. कालांतराने खाणाऱ्यांची पान संख्या वाढली. पानाचे प्रकारदेखील वाढले. पानाचे दुकान म्हणजे टपरी… असं आपण मानतो. पण रात्री बेरात्री पान खायची लहर आली तर ही टपरी बंदच असते. मात्र गुजरातमधील सुरत येथे पानाची मोठमोठी आणि बहुतांश एअर कंडीशन्ड दुकाने आहेत.

त्यातच ‘जय श्री गणेश’नावाची अनेक पान दुकाने पाहायला मिळतील.पांडे कुटुंबीयांच्या मालकीची ही दुकाने या परिवारातील बॉसदेव, राजधर, गुलाबधर, लालमणी, शेषमणी,रामधर हे कित्येक पिढ्यांपासून चालवत आहेत.

पुना पाटिया येथील ‘जय श्री गणेश’ पान दुकानाचे मालक बंसीधर पांडे आहेत. त्यांची एकट्यांचीच सात ते आठ एसी दुकाने आहेत. त्यांच्या दुकानातील कर्मचारी सुनील सिंह यांनी सांगितले की, आम्ही आमच्या दुकानांत दोन नवी पाने सुरू केली आहेत. यातलं पहिलं आहे‘लड्डू मिठा पान’, जे दोन महिन्यांपर्यंत कधीही खाता येते.

ते लवकर खराब होत नाही. त्यात गुलाब, खसखस, केसर, कोकोनेट चॉकलेट, डॉयफ्रूट्स असे वेगवेगळे पदार्थ आम्ही घालतो. दुसरे पान आहे ‘फेस येणारे काथयुक्त पान’. हे पान खाल्ल्याने तोंडाला छान रंग येतोच, पण त्याच्या अप्रतिम चवीमुळे मनही खूष होते. तोंड धुतले की रंग निघूनही जातो. ही दोन्ही पानं लोकांमध्ये हळूहळू फेमस होऊ लागली आहेत.

‘जय श्री गणेश’दुकानाचे मालक बंसीधर पांडे यांनी मुंबईतील एका हॉटेलमधील पत्रकार परिषदेत बोलताना सांगितले की,”सुरतमधील लोकांना पान खाणं खूप आवडतं.आमचं हे दुकान फॅमिली पान शॉप आहे. लोकांना जास्तीत जास्त चांगलं देण्याचा आमचा प्रयत्न असतो. आमचे‘लड्डू मिठा पान’ आणि ‘फेस येणारे काथयुक्त पान’ लोकांना खूपच आवडतंय. म्हणूनच लवकरच आम्ही मुंबईसह महाराष्ट्रात आमच्या शाखा उघडणार असल्याचे त्यांनी सांगितले.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!