सप्तशृंगीगड | वार्ताहर
जागतिक आरोग्य संघटनेच्या अहवालानुसार जगभरात सुमारे ११४ देशामध्ये १.२५ लाख लोकांना करोना विषाणूची लागण झाली आहे. तर भरतात देशामध्ये १०५ व महाराष्ट्रामध्ये ३३ लोकांना करोना विषाणूची लागण झाली आहे. यापार्श्वभूमीवर साडेतीन शक्तीपीठापैकी अर्धशक्तीपीठ असलेल्या नाशिक जिल्ह्यातील आणि कळवण तालुक्यातील सप्तशृंगी देवीची यात्रा रद्द करण्यात आली आहे.
आज सप्तशृंगी गडावर प्रांतअधिकारी डॉ पंकज आशिया व तसेच पोलीस अधिकारी सदाशिव वाघमारे, देवस्थान विश्वस्त यांचा मार्गदर्शनाखाली ट्रस्ट व्यवस्थापक सुदर्शन दहातोंडे, रोपवे व्यवस्थापक राजीव लूम्बा व तसेच प्रशासन अधिकारी यांच्यासह सप्तशृंगी ग्रामस्थ यांच्यात आज बैठक पार पडली. यावेळी हा निर्णय घेण्यात आला.
शासनाने नागरिकांची एका ठिकाणी होणारी गर्दी टाळण्यासाठी राज्यात सामाजिक, राजकीय, सांस्कृतिक, धार्मिक व क्रीडा विषयक कार्यक्रमांना पुढील आदेश यैपर्यंत परवानगी देण्यात येऊ नये असे निर्देश दिलेले आहेत.
त्यामुळे श्री सप्तशृंगी निवासनी देवीची चैत्र उत्सव २०२० यात्रा यात्रा २ एप्रिल २०२० ते ८ एप्रिल २०२० या कालावधीमध्ये सालाबादप्रमाणे नियोजीत करण्यात आली होती.
दरम्यान नंदुरबार, धुळे, जळगाव, नाशिक व इतर राज्यातून सुमारे ७ ते ८ लाख भाविक श्री भगवती दर्शनाला दरवर्षी येतात. मात्र, यंदा करोना विषाणूच्या पार्श्वभूमीवर प्रशासन, विश्वस्त संस्था व ग्रामपंचायत सप्तशृंगीगड /नांदुरी यांच्या वतीने संयुक्क्तिकरित्या निर्णय घेत चैत्र उत्सव यात्रा रद्द करण्यात आली आहे.
