राहाता |तालुका प्रतिनिधी| Rahata
राहाता नगरपरिषदेच्या विविध विषय समित्या निवडीत विखे गटाच्या नगरसेवकांच्या पाठिंब्यामुळे बिनविरोध पार पडल्या.
विखे गटाला तिन तर पिपाडा गटाला एक समिती मिळाली. सत्ताधारी भाजपाच्या पाच तर शिवसेनेच्या दोन अशा सात नगरसेवकांनी विषय समिती निवडणुकीवर बहिष्कार टाकला.
राहाता पालीकेची विविध विषय समित्यांची निवड पालीका सभागृहात पिठासीन निवडणूक अधिकारी तथा प्रांताधिकारी गोविंद शिंदे व सहाय्यक निवडणूक अधिकारी अजित निकत यांच्या अध्यक्षतेखाली पार पडली. या निवडणुकीसाठी सत्ताधारी पिपाडा गटाचे बलाबल भाजपाचे 6, रासपाचा एक व शिवसेनेचे 2 असे 9 संख्याबळ होते.
मात्र भाजपाचे चार व रासपाचा एक, शिवसेनेचे दोन असे सात सदस्यांनी या निवडणुकीवर बहिष्कार टाकला. त्यामुळे पिपाडा गटाला विखे गटाच्या आठ सदस्यांनी पाठिंबा दिल्याने ही निवड बिनविरोध पार पडली असून विखे गटाला बांधकाम, स्वच्छता व आरोग्य व महिला बालकल्याण अशा तिन समिती मिळाल्या तर पिपाडा गटाला पाणी पुरवठा व जलनिस्सारण समिती मिळाली.
समित्या सभापती पुढील प्रमाणे- बांधकाम समिती- अनुराधा दशरथ तुपे (सभापती), डॉ. राजेंद्र पिपाडा, हरी पवार.
स्वच्छता व सार्वजनिक आरोग्य समिती– विजय सदाफळ (सभापती), डॉ. राजेंद्र पिपाडा, सलिम शहा.
पाणी पुरवठा जलनिस्सारण समिती- विमलताई आरणे (सभापती), डॉ. राजेंद्र पिपाडा, सुरेखा मेहेत्रे, भिमराज निकाळे.
महिला व बालविकास समिती- सविता सदाफळ (सभापती), ममता पिपाडा, डॉ. राजेंद्र पिपाडा, मनिषा सुनिल बोठे.
स्थायी समिती- ममता पिपाडा, राजेंद्र पठारे, अनुराधा तुपे, विजय सदाफळ, विमल आरणे, सविता सदाफळ.
नियोजन व विकास- राजेंद्र पठारे, डॉ. राजेंद्र पिपाडा, भिमराज निकाळे, मनिषा बोठे वरील प्रमाणे निवडी झाल्या.
यावेळी नगरसेविका भिमराज निकाळे, नगरसेविका सुरेखा मेहेत्रे, नगरसेवक हरि पवार, सलिम शहा, दशरथ तुपे, सचिन मेहेत्रे, भाऊसाहेब आरणे आदी उपस्थित होते. यावेळी नगरपालिकेच्या वतीने नगराध्यक्षा सौ.ममता पिपाडा यांच्या हस्ते निवड झालेल्या सर्व सदस्यांचा सत्कार करण्यात आला.
