पुणतांबा ग्रामसभेत राडा

0

धनवटे-जाधव समर्थक एकमेकांना भिडले

हमरीतुमरी, अरेरावीमुळे अखेर ग्रामसभा तहकूब

पुणतांबा (वार्ताहर) – जलस्वराज-2 या मंजूर झालेल्या पाणीपुरवठा योजनेवर चर्चा करण्यासाठी बोलावलेल्या ग्रामसभेत अध्यक्षस्थानावरून धनवटे व जाधव समर्थक एकमेकांशी भिडले. त्यामुळे विशेष ग्रामसभेत गोंधळ झाला. ही ग्रामसभा अखेर तहकूब करण्यात आली.

पुणतांबा गावासाठी जागतिक बँकेच्या मदतीने अंदाजे 16 कोटी 43 लाख रुपये खर्चाच्या जलस्वराज-2 या टप्प्यातील मंजूर झालेल्या पाणीपुरवठा योजनेवर चर्चा करण्यासाठी विशेष ग्रामसभा बोलविण्यात आली होती. या ग्रामसभेत सरपंच डॉ. धनंजय धनवटे व पुणतांबा विकास आघाडीचे संस्थापक धनंजय जाधव हे दोन्ही गट एकमेकांना भिडल्यामुळे हमरीतुमरी, शिवीगाळ, एकमेकांच्या अंगावर धावून जाणे असे प्रकार सुरू होऊन गोंधळ झाला.

अखेर या गोंधळामुळे ग्रामसभेचे अध्यक्ष सरपंच डॉ. धनंजय धनवटे यांनी ग्रामसभा तहकूब झाल्याचे जाहीर केले.
काल सकाळी 10 वाजता पाणीपुरवठा योजनेबाबत चर्चा करण्यासाठी तीन उपसमित्यांची निवड करण्यासाठी सरपंच डॉ. धनजय धनवटे यांच्या अध्यक्षतेखाली विशेष ग्रामसभा बोलविण्यात आली होती.

माजी सरपंच सुधाकर जाधव, धनंजय जाधव, मुरलीधर थोरात, सुहास वहाडणे, सुभाष कुलकर्णी, सुभाष वहाडणे, प्रताप वहाडणे, शाम माळी, विजय धनवटे, दीपक धनवटे, नामदेव धनवटे, अशोक धनवटे, संदीप वहाडणे, किशोर वहाडणे, किशोर कदम, गौतम थोरात, सर्जेराव जाधव, प्राणिल शिंदे, भोला उदावंत, काशीनाथ धनवटे, सोपान धनवटे, अनिल नळे, दत्ता धनवटे, केशवराव जाधव, दिलीप जाधव, संजय जाधव, बाळासाहेब जाधव, भाऊसाहेब केरे, चंद्रकांत वाटेकर, राजीव डोखे, प्रशांत राऊत, उत्तम आग्रे, सदा वहाटुळे, भास्कर मोटकर, संभाजी गमे, नितीन सांबारे, गणेश बनकर, सोमनाथ पटाईत, बाळासाहेब भोरकडे, धनंजय शिंदे, योगेश धनवटे, साहेबराव बनकर, दादा सांबारे, बलराज धनवटे, प्रताप वहाडणे, विश्वास वहाडणे, डॉ. अविनाश चव्हाण, डॉ. विद्या चव्हाण, अभय चव्हाण, राजेंद्र थोरात आदींसह अनेक मान्यवर माहिला, ग्रामस्थ मोठ्या संख्येने उपस्थित होते.

यावेळी जलस्वराज योजनेच्या टप्पा-2 अंतर्गत असलेल्या पाणीपुरवठा योजनेवर चर्चा झाली. यावेळी श्रीमती सय्यद यांनी योजनेची माहिती देऊन त्यातील तरतुदीनुसार तीन उपसमित्यांच्या निवडीबाबत माहिती देणे सुरु केले. मात्र त्या बोलत असतांना धनंजय जाधव यांनी समित्या निवडीबाबत शासनाच्या जीआरचा संदर्भ दिला. सरपंच या समित्यांचा अध्यक्ष राहत नसून समित्यांच्या अध्यक्ष व सदस्यांचा निर्णय ग्रामसभेने घ्यावयाचा असतो हे निर्दशनास आणून दिले. यावेळी सर्जेराव जाधव व डॉ. धनवटे यांनीही हस्तक्षेप केला.

हे चालू असताना चंद्रकांत वाटेकर यांनी माईकचा ताबा घेऊन पाणी पुरवठा योजना मार्गी लावण्यासाठी आ. स्नेहलता कोल्हे व धनंजय जाधव यांनी खुप परिश्रम घेतले. त्यामुळे पाणीपुरवठा योजनेचे अध्यक्षपद धनंजय जाधव यांना द्यावे हे माझे व्यक्तीगत मत आहे. याविषयी ग्रामसभेने निर्णय घ्यावा, असे स्पष्ट केले. याला धनवटे गटाच्या दीपक धनवटे यांनी आक्षेप घेतला. त्यांच्या अगोदर नामदेव धनवटे यांनी अध्यक्षपद डॉ. धनंजय धनवटे यांना देण्याचा प्रस्ताव मांडला व दीपक धनवटे यांनी ग्रामसभेची संमती न घेता परस्पर अनुमोदन देणे सुरू करताच चंद्रकात वाटेकर व त्यांच्यात चांगलीच जुंपली.

एकमेकांच्या अंगावर धावू लागल्यामुळे धनवटे व जाधव समर्थक एकमेकांना भिडले. गोंधळ सुरु झाला, रेटारेटी सुरु झाली. त्यामुळे उपस्थित महिलांनी ग्रामसभेची जागा सोडली. कोण कोणाला काय बोलत होते समजत नव्हते. प्रताप वहाडणे, सुभाष कुलकर्णी, धनंजय जाधव यांनी शांत राहण्याचे आवाहन केले. मात्र दोन्ही गटाचे कार्यकर्ते, त्यांचे नातेवाईक ऐकण्याच्या मनस्थितीत नव्हते. या गदारोळात बंदोबस्तासाठी अवघा एकच पोलीस होता. त्यांनाही ग्रामस्थांना आवर घालणे शक्य होईना.

अखेर परिस्थितीचे गांभीर्य ओळखून अध्यक्ष सरपंच डॉ. धनवटे यांनी गोंधळातच ग्रामसभा तहकुब केल्याचे जाहीर केले. मात्र यावेळी धनंजय जाधव व त्यांच्या गटाचे समर्थक जागेवरच बसून त्यांनी ठिय्या मांडला व ग्रामसभा सुरु ठेवण्याची मागणी केली. या गोंधळात काहींनी राहाता पोलीस स्टेशनला संपर्क साधला. त्यामुळे पोलीस उपनिरीक्षक विशाल पाटील व त्यांचा फौजफाटा तातडीने पुणतांबा येथे दाखल झाला व त्यांनी गोंधळ का झाला याची माहिती जाणून घेतली.
तत्पूर्वी याच विषयावर याच ठिकाणी महिलांची ग्रामसभा झाली.

या ग्रामसभेत पाणी पुरवठा योजनेवर चर्चा झाली. या चर्चेत माजी जिल्हा परिषद सदस्या वैयजंती धनवटे, संध्या थोरात, संगिता भोरकडे, अमृता इंगळे, सुनिता धनवटे, भाग्यश्री पडवळ, ज्योती पवार, ज्योती शिंदे, रुपाली जाधव, सुनंदा जाधव, अलका डोखे, अनिता जाधव, सुभद्राबाई वाटेकरसह अनेक महिला सहभागी झाल्या.

यावेळी जिल्हा परिषदेच्या स्वच्छता विभागाच्या अधिकारी एस. डी. सय्यद यांनी जागतिक योजनेच्या सहकार्याने पुणतांबा गावासाठी जलस्वराज योजनेअंर्तगत मंजूर झालेल्या पाणीपुरवठा योजनेची माहिती दिली. 36 महिन्यात पूर्ण होणार्‍या या योजनेच्या तांत्रिक बाजूची माहिती देऊन दरडोई 70 लिटर पाणीपुरवठा कसा केला जाईल. तसेच त्यामध्ये 30 टक्के खर्च महाराष्ट्र शासनाचा व 70 टक्के खर्च जागतिक बँकेचा आहे.

योजनेचा सर्वांना लाभ घेता यावा व योजना चांगली व्हावी म्हणून ग्रामस्थांचा व ग्रामपंचायतीचा सहभाग महत्वाचा आहे. त्यासाठी महिलांच्या ग्रामसभेत त्यांनी ग्राम आरोग्य पोषण पाणीपुरवठा समिती, महिला विकास समिती तसेच सामाजिक लेखा परिक्षण समितीची व त्यातील सदस्यांची निवड मार्गदर्शक तत्वे व नियमानुसार सर्वसंमतीने केली असल्याची चर्चा या ग्रामसभेत झाली.

सत्तेतून बाहेर गेल्यामुळे जाधव गटाने जाणूनबुजून ग्रामसभा उधळून लावली. गुंडांकरवी आमच्या माणसांना दम दिला. आम्ही गरज भासल्यास पोलीस स्टेशनला जाऊन गुन्हा दाखल करणार आहोत.- डॉ. धनंजय धनवटे

डॉ. धनवटे गटाने दादागिरी करून आमच्या कार्यकर्त्यांना दमबाजी केली. त्यांनी ग्रामसभेत अवैध धंदे करणारे घुसविले व ग्रामसभा उधळून लावली. सर्व समित्या स्वतःकडे ठेवण्यासाठी केविलवाणा प्रयत्न केला. त्यांची दादागिरी चालू देणार नाही. – धनंजय जाधव

 

LEAVE A REPLY

*