नेवासा l तालुका प्रतिनिधी l Newasa
राज्याचे मृद व जलसंधारण मंत्री शंकरराव गडाख यांची सोलापूर व सांगली तर कृषी मंत्री दादाजी भुसे यांचेकडे शिवसेनेचे संपर्क मंत्री म्हणून जबाबदारी देण्यात आली आहे.
शिवसेना पक्षप्रमुख तथा मुख्यमंत्री उद्धव ठाकरे यांनी राज्यातील जिल्ह्यांसाठी शिवसेना पक्षाकडून संपर्क मंत्री जाहीर केले आहे. यात नगर व नाशिक जिल्ह्याची जबाबदारी कृषीमंत्री दादाजी भुसे यांच्या वर सोपविण्यात आली आहे.तर मृद व जलसंधारण मंत्री शंकरराव गडाख यांच्याकडे सोलापूर व सांगली जिल्ह्यातील जबाबदारी देण्यात आली आहे.
शिवसेना पक्षप्रमुख , मुख्यमंत्री उद्धव ठाकरे यांनी शिवसेनेचे जिल्हा संपर्कमंत्री जाहीर केले.
पर्यावरणमंत्री आदित्य ठाकरे यांच्याकडे (मुंबई शहर), उद्योगमंत्री सुभाष देसाई (जालना),एकनाथ शिंदे (चंद्रपूर व गोंदिया) ,उदय सामंत (कोल्हापूर व सातारा) , दादा भुसे ( नाशिक व नगर ) , गुलाबराव पाटील ( बुलढाणा व अमरावती ), अड .अनिल परब ( पुणे व रायगड) , शंकरराव गडाख ( सोलापूर व सांगली) , संजय राठोड ( नांदेड,भंडारा व नागपूर) , अब्दुल सत्तार (नंदूरबार व वर्धा) , शंभुराज देसाई ( हिंगोली व परभणी) , संदीपान भुमरे (बीड व लातूर )
