मुंबई | Mumbai
पुण्याची जागा कोण लढवणार यावरुन आता चर्चा रंगल्या आहेत. राजकीय वर्तुळातून यावर आता प्रतिक्रिया येत आहेत. काँग्रेसला या जागेवर सातत्याने पराभवाचा सामना करावा लागत असल्यामुळे ती जागा राष्ट्रवादी काँग्रेसला मिळावी, अशी मागणी अजित पवारांनी केली आहे.
यावरुनच आता संजय राऊत यांनी ट्विट करुन प्रतिक्रिया दिली आहे. संजय राऊत यांनी ट्विट केलं आहे की, “कसेल त्याची जमीन याप्रमाणे जो जिंकेल त्याची जागा हे सूत्तर ठरले तर ‘कसबा’प्रमाणे पुणे लोकसभा पोटनिवडणूक महाविकास आघाडीला सहज जिंकता येईल. जागांचा आकडा वाढवण्याचा हट्ट अनाठायी आहे. जिंकेल त्याची जागा या सूत्राने महाराष्ट्र व देश जिंकता येईल. संविधान आणि लोकशाही वाचवण्यासाठी प्रत्येकानं थोडा थोडा त्याक करावाच लागेल. जय महाराष्ट्र”, असं ट्विट राऊत यांनी केलं आहे.
शाळेतील माधान्ह भोजनात साप निघाल्याने खळबळ, ५० मुलं हॉस्पिटलमध्ये दाखल
एकीकडे काँग्रेस व राष्ट्रवादीमध्ये पुण्याच्या जागेसाठी अहमहमिका लागलेली असताना दुसरीकडे त्याग करण्याचा सल्ला देणाऱ्या संजय राऊतांनीच ठाकरे गटाच्या १९ जागा कायम राहतील, अशी प्रतिक्रिया काही दिवसांपूर्वी घेतली होती. या पार्श्वभूमीवर महाविकास आघाडीच्या समन्वय समितीकडून कशा प्रकारे जागावाटपावर चर्चा होते, याकडे राजकीय वर्तुळाचं लक्ष लागलं आहे.
Rain Alert : ‘या’ जिल्ह्यांमध्ये मेघगर्जनेसह पावसाची शक्यता; हवामान खात्याचा अंदाज
