बारामतीत पवार कुटुंबीयांचा दिवाळीचा कार्यक्रम, अजित पवार गैरहजर; समोर आलं 'हे' कारण

बारामतीत पवार कुटुंबीयांचा दिवाळीचा कार्यक्रम, अजित पवार गैरहजर; समोर आलं 'हे' कारण

बारामती | Baramati

दिवाळीच्या (Diwali) सणात बारामतीत (Baramati) देखील वेगळा उत्साह असतो. दिवाळीच्यानिमित्ताने दरवर्षीप्रमाणे बारामतीमध्ये पवार कुटुंबियांना (Pawar Family) दिवाळीच्या शुभेच्छा देण्यासाठी कार्यकर्ते मोठ्या संख्येने जमले होते. शरद पवार (Sharad Pawar) यांच्या बारामती येथील माळेगाव येथील आप्पासाहेब पवार सभागृहात दिवाळी भेट कार्यक्रमास कार्यकर्त्यांची मोठी झुंबड उडाली होती.

पण या कार्यक्रमाला उपमुख्यमंत्री अजित पवार (Ajit pawar) यांची अनुपस्थिती होती. त्यामुळे ते नेमके कुठं आहेत आणि का आले नाहीत, याबाबत उपस्थितांमध्ये चर्चा रंगली होती. मात्र खुद्द शरद पवारांनीच (sharad Pawar) अजित दादांच्या अनुपस्थितीबाबत स्पष्टीकरण दिलं. अजित पवारांच्या घरातील ३ कर्मचारी करोना बाधित तर २ ड्रायव्हर करोना बाधित (Corona positive) झाले आहेत त्यामुळे अजित पवार उपस्थित राहू शकले नाहीत, असं शरद पवार यांनी सांगितलं.

'उपमुख्यमंत्री अजित पवार यांना कदाचित करोनाची (COVID19) लागण झाली असण्याची शक्यता आहे. अद्याप त्यांचा करोना अहवाल आलेला नाही. आम्ही त्याच प्रतीक्षेत आहोत. खबरदारी म्हणून अजितदादा बारामतीतील कार्यक्रमात आज सहभागी झाले नाहीत. त्यांच्या घरातील दोन कामगार व गाडीचा चालक यांना देखील कोरोना झाल्यामुळे कोणताही धोका नको म्हणून ते आजच्या कार्यक्रमात सहभागी झाली नाही. येथे बरीच गर्दी असणार त्यामुळे गर्दीच्या ठिकाणी त्यांनी येऊ नये. असे आम्ही त्यांना सांगितले.' अशी माहिती शरद पवार यांनी दिली.

तसेच, 'करोनाच्या संकटामुळे काही पथ्य पाळावी लागत आहेत. राज्य सरकार अनेक महत्वाचे निर्णय घेत आहे. याचा परिणाम करोना रुग्णांची संख्या दिवसेदिवस कमी होते. पण तरीही करोना रुग्णांची संख्या अद्याप कमी झालेली नाही. त्यामुळे यंदाच्या दिवाळीत लोकांना भेटावे का नाही असा संभ्रम होता. मात्र भेटीचा आनंद घेता आला पाहिजे.' असंही पवार यावेळी म्हणाले.

ज्येष्ठ नेते शरद पवार, उपमुख्यमंत्री अजित पवार, खासदार सुप्रिया सुळे (supriya sule), आमदार रोहित पवार (rohit pawar) व समस्त पवार कुटुंबिय दिवाळीच्या पाडव्याच्या दिवशी गोविंदबाग या शरद पवार यांच्या निवासस्थानी बारामती आणि राज्यातून येणाऱ्या नागरिकांना भेटत असतात. मात्र, यंदाच्या वर्षी हा कार्यक्रम डॉ. अप्पासाहेब पवार ऑडिटोरियममध्ये आयोजित करण्यात आला. यंदाच्या वर्षी भेटीसाठी येताना कोणीही भेटवस्तू किंवा पुष्पगुच्छ आणू नयेत असे आवाहन करण्यात आले होते. दिवाळीनिमित्त शुभेच्छा आणि भेट देण्यासाठी बारामती आणि राज्यभरातून लोक शरद पवार यांच्या निवासस्थानी येतात. यामध्ये सर्वसामान्य नागरिकांसह खासदार, आमदार, मंत्रीमंडळातील सदस्य, पदाधिकारी यांच्यासह समाजाच्या विविध स्तरातील लोकांचा समावेश असतो.

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com