दिल्ली | Delhi
टोकिया ऑलिम्पिकचा (Tokyo Olympics) आज सोळावा दिवस आहे. आजचा दिवस भारतासाठी (India) आशादायक ठरला आहे. ऑलिम्पिक स्पर्धेत पुरुषांच्या ६५ किलो वजनी गटात (Men's 65kg Wrestling) भारताचा कुस्तीपटू बजरंग पुनियानं (Bajrang Punia) कास्यंपदक (Bronze Medal) मिळवलं आहे.
बजरंग पुनिया याची आज कझाकिस्तानच्या दाऊलेत नियाझबेकोवशी (Daulet Niyazbekov of Kazakhastan) कांस्यपदकासाठी (Bronze medal) लढत झाली. सुरुवातीपासून आक्रमक खेळ करत बजरंग पुनियाने कांस्य पदकावर नाव कोरले. त्याने ८-० अशा फरकाने एकतर्फी विजय नोंदवला.
बजरंग उपांत्य फेरीत अझरबैजानच्या हाजी अलीयेवकडून (Haji Aliyev of Azerbaijan) ५-१२ ने पराभूत झाला. हाजी अलीयेव अंतिम फेरी गाठण्यात यशस्वी झाला, त्यामुळे बजरंगला रेपेचेजद्वारे कांस्यपदकासाठी लढण्याची संधी मिळाली.