- बातम्याबातम्या
- फोटोफोटो
- व्हिडिओव्हिडिओ
- फिचर्सफिचर्स
- पॉडकास्टपॉडकास्ट
- Deshdoot Times
- ई-पेपर
- देशदूत विशेष
- वर्धापनदिन विशेषांक
मुंबई | Mumbai
आजपासून (दि. ३० ऑगस्ट) आशिया चषक (Asia Cup) स्पर्धेची सुरुवात होत असून या स्पर्धेचे उद्घाटन आज भारतीय वेळेनुसार दुपारी ३ वाजता मुलतान (Multan) येथे होणार आहे. ३० ऑगस्ट ते १७ सप्टेंबर या कालावधीत आशिया चषकाचे सर्व सामने होणार असून ही स्पर्धा हायब्रिड पद्धतीने (Hybrid Method) खेळवली जाणार आहे...
आशिया चषकाच्या सामन्यांचे पाकिस्तान आणि श्रीलंका (Pakistan and Sri Lanka) येथे आयोजन करण्यात आले आहे. तसेच या स्पर्धेत १३ सामने खेळविण्यात येणार असून सर्व सामने ५० षटकांचे होणार आहेत. यातील सलामीचा सामना पाकिस्तान आणि नेपाळ (Pakistan and Nepal) यांच्यात होणार आहे. या सामन्याचे थेट प्रक्षेपण स्टार स्पोर्ट्स वाहिनीवर करण्यात येणार आहे.
दरम्यान, आशिया चषकातील सहा संघांची २ गटात विभागणी करण्यात आली असून राऊंड रॉबीनमध्ये हे सामने होणार आहेत. तसेच दोन्ही गटातील प्रत्येकी दोन संघ सुपर फोअरमध्ये पात्र ठरतील. यानंतर सुपर फोअर पण राऊंट रॉबीनमध्ये होईल आणि दोन संघ फायनल सामना खेळतील.
आशिया चषक उद्घाटन समारंभ आणि सामने यांचे थेट प्रक्षेपण भारतात कोठे असेल?
आशिया चषक उद्घाटन सोहळा स्टार स्पोर्ट्सद्वारे भारतात थेट प्रक्षेपित केला जाईल. भारतातील आशिया कप सामन्यांचे थेट प्रक्षेपण देखील स्टार स्पोर्ट्स नेटवर्कवर केले जाईल. प्रेक्षकांना हा सामना स्टार स्पोर्ट्सच्या विविध वाहिन्यांवर टीव्हीवर पाहता येणार आहे. त्याचवेळी, विनामूल्य डीटीएच वापरणारे दर्शक डीडी स्पोर्ट्सवर भारताचे सामने पाहू शकतील. या वाहिनीवर अंतिम सामनाही प्रसारित केला जाणार आहे.
आशिया चषक उद्घाटन समारंभ आणि सामन्यांचे थेट प्रवाह भारतात कुठे उपलब्ध असेल?
आशिया चषक उद्घाटन समारंभ हॉटस्टारवर भारतात लाईव्ह स्ट्रीमिंगसाठी उपलब्ध असेल. चाहते त्याचा विनामूल्य आनंद घेऊ शकतात. हॉटस्टारवर क्रिकेट चाहत्यांना आशिया कपचे सर्व सामने विनामूल्य पाहता येणार आहेत.
सर्व संघांचे कर्णधार असे
भारत : रोहित शर्मा, पाकिस्तान : बाबर आझम, श्रीलंका : दसून शनाका, बांगलादेश : शाकिब अल हसन, अफगाणिस्तान : हशमतुललाह शाहिदी, नेपाळ : रोहित पाउंडेल
सलिल परांजपे, नाशिक.
