World Cup 2023 : क्रिकेट वनडे विश्वचषकाचा उद्घाटन सोहळा रद्द, कारण गुलदस्त्यात

मुंबई | Mumbai

भारतात रंगणाऱ्या विश्वचषकाबाबत एक मोठी अपडेट समोर आली आहे. वनडे विश्वचषकाचा (World Cup 2023) उत्साहात होणारा उद्घाटन सोहळा रद्द (Opening Ceremony Canceled) करण्यात आला आहे. या विश्वचषकाचा उद्घाटन सोहळा रद्द करण्यामागचं नेमकं कारण अजून समोर आलेलं नाही.

याबाबत आयसीसी (ICC) किंवा बीसीसीआय (BCCI) ने देखील अधिकृतरित्या स्पष्टीकरण दिलेलं नाही. उद्यापासून (ता. 5) अहमदाबादच्या नरेंद्र मोदी स्टेडियमवर वनडे विश्वचषकाला सुरुवात होत आहे. मात्र हा सोहळा रद्द झाल्याने क्रिकेटप्रेमींची निराशा झाली आहे.

यापूर्वी, BCCI ने विश्वचषक सुरू अहमदाबाद येथील नरेंद्र मोदी स्टेडिअम (Narendra Modi Stadium, Ahmedabad) वर भव्य उद्घाटन सोहळ्याचे आयोजन केल्याची बातमी समोर आली होती. 4 ऑक्टोबर रोजी नरेंद्र मोदी स्टेडिअमवर हा भव्य उद्घाटन सोहळा पार पडणार होता.

भारतरत्न माजी क्रिकेटपटू सचिन तेंडुलकरच्या हस्ते विश्वचषकाचं उद्घाटन पार पडणाक होतं. पण, 4 ऑक्टोबर रोजी सकाळी समोर आलेल्या मीडिया रिपोर्टनुसार, हा उदघाटन सोहळा आता रद्द करण्यात आला आहे.