नवी दिल्ली | वृत्तसंस्था | New Delhi
सध्या जगातील सर्वच देश महागाईच्या (Inflation) संकटात सापडले आहेत. तेलाचे दर (Oil Price) दिवसेंदिवस गगनाला भिडत आहेत. आता सौदी अरेबियाने (UAE) तेलाच्या वाढत्या किंमतीवर लगाम लावण्यासाठी कुठलेही पाऊल उचलणार नसल्याचे स्पष्ट केले आहे. यामुळे भारतासह संपूर्ण जगभराला धडकी भरली आहे...
तेलाचा (Oil) तुटवडा नाही तर कच्च्या तेलाचे उत्पादन कशाला वाढवायचे, असे सौदी अरेबियाचे परराष्ट्रमंत्री प्रिन्स फैसल बिन फरहान (prince faisal bin farhan) यांनी नमूद केले आहे. एका मुलाखतीत त्यांनी हे वक्तव्य केले आहे.
दरम्यान, जगात तेलाच्या किंमती वाढण्यामागे रशिया आणि युक्रेनचे युद्ध (Russia-Ukraine War) हे प्रमुख कारण आहे. रशिया हा सर्वात मोठा तेल उत्पादक देश आहे. रशियावर निर्बंध लावण्यात आल्याने जागतिक बाजारपेठेत तेलाचा तुटवडा निर्माण झाला आहे.
मागील वर्षाच्या तुलनेत कच्च्या तेलाचे दर ७० टक्क्यांनी वधारले आहेत. रशिया-युक्रेन युद्धानंतर जे कच्चे तेल प्रती बॅरल ११० डॉलर होते. त्यात आता २० टक्क्यांनी वाढ झाली आहे.