जम्मू-काश्मीर | Jammu Kashmir
जम्मू कश्मीरच्या पुलवामा येथे सुरक्षा दलांवर पुन्हा एकदा दहशतवादी हल्ला झाला आहे. पंपोरमधील कांधीजल पुलावर सीआरपीएफच्या 110 बटालियन आणि जम्मू-कश्मीर पोलिसांचे जवान रोड ओपनिंग ड्युटी (आरओपी) वर तैनात होते, तेव्हा अज्ञात दहशतवाद्यांनी गोळीबार सुरू केला. या दहशतवादी हल्ल्यात दोन सैनिक शहीद झाले तर पाच जखमी झाले. जवानांनी हा परिसर घेरला असून शोध मोहीम राबविली जात आहे.
आज दुपारी 12 वाजून 30 मिनिटांच्या सुमारास हा दहशतवादी हल्ला झाला आहे. जखमी सीआरपीएफ जवानांना तात्काळ नजीकच्या जिल्हा रूग्णालयामध्ये दाखल करण्यात आले आहे. सीआरपीएफ जवानांसोबतच जम्मू कश्मीर पोलिस पंपोर मध्ये कांधीजल पुलावर रोड ओपनिंग़ ड्युटी करत होते तेव्हा हा हल्ला करण्यात आला आहे.
आज दुपारी हल्ला झाल्यानंतर तात्काळ सारा परिसर बंद करण्यात आला आहे. तर हल्लेखोर दहशतवाद्यांचा कसून शोध सुरू आहे.
दरम्यान आज सकाळीच वायुसेना प्रमुख आरकेएस भदौरियायांनी मीडियाला माहिती देताना भारतीय लष्कर दोन्ही फ्रंटवर म्हणजेच चीनआणि पाकिस्तान दोघांचाही मुकाबला करण्यासाठी सक्षम असल्याचं म्हटलं आहे.