<p><strong>नवी दिल्ली -</strong></p><p> केंद्रीय अर्थमंत्री निर्मला सीतारामन यांनी घोषणा केल्यानूसार टीडीएस, पीएफसह पाच नियमांमध्ये 1 एप्रिलपासून मोठे </p>.<p>बदल होणार आहेत. आर्थिक वर्ष 2021-22 साठी केंद्रीय अर्थमंत्री सीतारामन अर्थसंकल्प सादर केला. त्यामध्ये आयकर प्रणालीसंदर्भात अनेक नियमांमध्ये मोठे बदल करण्यात आला आहे. येत्या 1 एप्रिल पासून हे नवे नियम लागू होणार आहेत.</p><p>आयकराच्या नव्या नियमांनुसार 1 एप्रिल 2021 पासून वर्षाला 2.5 लाखांपेक्षा अधिक ईपीएफ कापला जात असल्यास त्यावर मिळणार्या व्याजावर कर लागणार आहे. 2 लाखांपेक्षा कमी पगार असलेल्यांना याचा कोणताही फरक पडणार नाही</p><p>कर्मचार्यांना सूट देण्यासाठी आणि आयकर भरण्याची प्रक्रिया सोपी करण्यासाठी वैयक्तीक करदात्यांना आता 1 एप्रिल 2021 पासून आधीच भरलेला आयटीआर फॉर्म दिला जाणार आहे. यामुळे आयकर परतावा भरणे सोपे होणार आहे.</p><p>एलटीसी स्कीम</p><p>लीव्ह ट्रॅव्हल कन्सेशन (एलटीसी) व्हाऊचर स्कीम नवीन वर्षात लागू होणार आहे. लॉकडाऊनमुळे ज्या कर्मचार्यांना एलटीसी टॅक्स बेनिफिट मिळू शकला नाही त्यांच्यासाठी ही योजा लागू केली आहे.</p><p>आयटीआर फाईल न केल्यास करदात्यांना दुप्पट टीडीएस भरावा लागणार आहे. आयटीआर फाईल न करण्यार्यांसाठी हा नियम कडक केला आहे. तसेच त्यांना टीसीएसदेखील जास्त आकारण्यात येणार आहे.</p><p>तसेच सुपर सीनियर सिटीझन्सना आयटीआर फाइल करण्यास 1 एप्रिलपासून सूट दिली देण्यात येणार आहे. यासाठी 75 वर्षे वय निश्चित केले आहे. ही सवलत पेन्शन किंवा एफडीच्या व्याज घेणार्या वृद्धांसाठी दिली आहे.</p>
