<p><strong>दिल्ली | Delhi </strong></p><p>सर्वसामान्यांच्या खिशावरील भार वाढलेला असताना अजून एक मोठी बातमी आली आहे. जागतिक पातळीवर कच्च्या तेलाचा उत्पादक असलेल्या सौदी अरेबियाने आपल्या उत्पादनात कपात केल्यामुळे सध्या जगभरात तेलाचे दर कडाडले आहेत. मागील काही दिवसांपासून भारतातही पेट्रोल आणि डिझेलचे (Petrol and Diesel price) दर वाढले आहेत.</p>.<p>बहुतांश शहरांमध्ये दराच्या आकड्यानं नव्वदी ओलांडली आहे. 14 जानेवारीला तेल कंपन्यांनी 25 पैसे प्रतिलिटर दराने वाढ केली आहे. या वाढीसह दिल्लीत पेट्रोल प्रति लिटर 84.70 रुपये तर डिझेल 74.88 रुपये प्रतिलिटर झाले आहे. दिल्लीतील किंमतींची ही विक्रमी पातळी आहे. महाराष्ट्रात तर पेट्रोल जवळपास 95 रुपयांना टेकले आहे. परभणी येथे देशातील सर्वात जास्त दराने पेट्रोल विकले जात आहे.</p><p>कालही तेल कंपन्यांनी पेट्रोल आणि डिझेलच्या दरांमध्ये प्रतिलिटर 30 पैशांची वाढ केली होती. कालच्या वाढीनंतर महाराष्ट्रातील परभणीतील पेट्रोलची किंमत प्रतिलिटर 93.45 रुपये आणि डिझेलची किंमत 82.40 रुपये प्रतिलिटरपर्यंत पोहोचली आहे. त्याचबरोबर मुंबईत पेट्रोल 91.32 रुपयांवर गेले आहे.</p>.<p><strong>असे आहेत देशातील भाव :-</strong></p><p>दिल्ली : पेट्रोल - 84.70 रुपये, डीजल - 74.88 रुपये</p><p>मुंबई : पेट्रोल - 91.32 रुपये, डीजल - 81.60 रुपये</p><p>कोलकाता : पेट्रोल - 86.15 रुपये, डीजल - 80.19 रुपये</p><p>चेन्नई : पेट्रोल - 87.40 रुपये, डीजल - 79.95 रुपये</p><p>पटना : पेट्रोल - 87.23 रुपये, डीजल - 80.02 रुपये</p><p>बंगलुरु : पेट्रोल - 87.56 रुपये, डीजल - 79.40 रुपये</p>.<p>या अगोदर ६ व ७ जानेवारी रोजी पेट्रोल व डिझेलच्या दरात वाढ झाली होती. दिल्लीसह देशातील अनेक प्रमुख शहारांमध्ये देखील पेट्रोल,डिझेलच्या दरात मोठी वाढ झालेली आहे. आंतरराष्ट्रीय बाजारात कच्चा तेलाच्या किंमतीत वाढ सुरूच आहे.</p>
