<p><strong>दिल्ली । Delhi </strong></p><p>दरवर्षी मोठया प्रमाणावर परदेशी नागरिक नोकरीसाठी अमेरिकेत येतात. एच १ बी आणि अन्य वर्क व्हिसा त्यांना दिले जातात. दरम्यान करोना संकटात स्वदेशी लोकांचे उर्वरित रोजगार वाचवण्यासाठी स्थलांतरबंदी लागू करण्याचा निर्णय डोनाल्ड ट्रम्प यांनी घेतला होता.</p>.<p>अमेरिकेचे राष्ट्राध्यक्ष डोनाल्ड ट्रम्प यांनी गुरुवारी स्लथांतरबंदीचा कार्यकाळ वाढवण्याचा निर्णय घेतला आहे. ज्यामुळे अनेक “ग्रीन कार्ड” अर्जदार आणि तात्पुरते अमेरिकेत येणाऱ्या परदेशी कामगारांना देशात प्रवेश करण्यात अडथळा होणार आहे. याबाबत एका वृत्तपत्राने यासंबंधी वृत्त दिलं आहे. </p><p>स्थलांतरबंदीचा निर्णय एप्रिल आणि जून महिन्यात घेण्यात आला होता. ही बंदी ३१ डिसेंबरला संपुष्टात येणार होती. पण आता ३१ मार्चपर्यंत ही बंदी वाढवण्यात आली आहे. अनेक उद्योजकांनी जाहीरपणे ट्रम्प सरकारच्या परदेशी कामगारांवर बंदीच्या निर्णयाचा विरोध केला होता. या बंदीच्या निर्णयाचा लवकरच राष्ट्रध्यक्षपदाची जबाबदारी स्वीकारणारे जो बायडन यांनी विरोध केला होता. पण त्यांनी सत्तेत आल्यानंतर निर्णय बदलण्याबद्दल कोणतेही भाष्य केलेले नाही. कोरोनाचा फटका बसला असताना सध्या दोन कोटी लोकांना अमेरिकेत बेरोजगारी भत्ता मिळत आहे.</p><p>दरवर्षी मोठया प्रमाणावर परदेशी नागरिक नोकरीसाठी अमेरिकेत येतात. एच १ बी आणि अन्य वर्क व्हिसा त्यांना दिले जातात. तूर्तास तेच व्हिसा स्थगित करण्याचा निर्णय डोनाल्ड ट्रम्प यांनी घेतला होता. अमेरिकेची सतत नाविन्यपूर्ण गोष्टींचा शोध घेण्याची कल्पकता आणि स्पर्धात्मक वातावरण याला दुहेरी फटका बसेल, असा इशारा या आघाडीच्या अमेरिकन कंपन्यांनी दिला होता. पण आता याचा कार्यकाळ अजून तीन महिने वाढवण्यात आला आहे.</p><p>अमेरिकेतील नागरिकांना अधिक नोकऱ्या आणि संधी उपलब्ध व्हाव्यात यासाठी हा निर्णय घेतल्याचं म्हंटले जात आहे. ट्रम्प यांच्या मोठ्या निर्णयामुळे आता ग्रीन कार्डसाठी अर्ज करणाऱ्या लोकांना मोठ्या समस्यांचा सामना करावा लागणार आहे. त्यांना आता मार्च पर्यंत वाट पाहावी लागणार आहे.</p>
