<p><strong>नवी दिल्ली -</strong> </p><p>डॉक्टरकीची पदवी घेतल्यानंतर 10 वर्षे सरकारी रुग्णालयात काम करणं उत्तर प्रदेश सरकारने सक्तीचं केलं आहे. जर मध्येच </p>.<p>सेवा सोडली, तर डॉक्टरांकडून 1 कोटी रुपये दंड वसूल केला जाणार आहे.</p><p>उत्तर प्रदेशातील सरकारी रुग्णालयांमध्ये डॉक्टरांची संख्या कमी असल्यानं वैद्यकीय सेवेवर परिणाम होऊ लागला आहे. यावर मात करण्यासाठी डॉक्टरांची संख्या वाढवी म्हणून मुख्यमंत्री योगी आदित्यनाथ सरकारने हा निर्णय घेतला आहे.</p><p>उत्तर प्रदेशात सध्या वैद्यकीय शिक्षण पूर्ण केल्यानंतर ग्रामीण एक वर्ष नोकरी केल्यास 10 अंकांची सूट दिली जाते. तर दोन वर्ष सेवा केल्यास 20 अंकांची सूट देण्यात येते. त्याचबरोबर डॉक्टर पदव्युत्तर अभ्यासक्रमाबरोबरच इतर प्रमाणपत्र अभ्यासक्रमांनाही प्रवेश घेऊ शकतात.</p><p>डॉक्टरांचा तुटवडा जाणवत असल्यानं योगी आदित्यनाथ सरकारनं मागील आठवड्यात नव्यानं सुरू करण्यात आलेल्या महाविद्यालयांमध्ये उपचार करणार्या डॉक्टरांची व्यवस्था करण्याचेही निर्देश दिले आहेत. मुख्यमंत्री योगी आदित्यनाथ यांनी अधिकार्यांना यासंदर्भातील आदेश दिले आहेत.</p>
