जुलैपर्यंत महागाई भत्ता ‘जैसे थे’

करोनाचा फटाका
जुलैपर्यंत महागाई भत्ता ‘जैसे थे’

नवी दिल्ली -

करोना संकटामुळे केंद्रीय सरकारी कर्मचार्‍यांसह पेन्शन धारकांचा महागाई भत्ता येत्या 1 जुलै 2021 पर्यंत वाढवला जाणार नाही. त्यांना आता जुन्या दरानेच महागाई भत्ता मिळेल. सध्या केंद्रीय कर्मचारी आणि पेन्शनधारकांना 17 टक्के महागाई भत्ता मिळतो.

यापूर्वी केंद्रीय अर्थराज्यमंत्री अनुराग ठाकूर यांनी संसदेत घोषणा करत, 1 जुलै 2021 पासून महागाई भत्ता अपडेट होईल असे सांगितले होते. मात्र आता करोनामुळे सरकारने यामध्ये कोणतीही वाढ न करण्याचा निर्णय घेतला आहे.

1 जानेवारी 2020 पासून महागाई भत्त्यात वाढच केलेली नाही. इतकंच नाही तर सरकारने हे सुद्धा स्पष्ट केलं आहे की, 1 जानेवारी 2020 ते 30 जून 2021 पर्यंत कोणतीही थकबाकी दिली जाणार नाही.

Latest Marathi News, Marathi News Paper, Breaking News In Marathi, Marathi Batmya Live
www.deshdoot.com