<p><strong>दिल्ली l Delhi</strong></p><p>देशात गेल्या २४ तासात १८ हजारांहून अधिक करोना पॉझिटिव्ह रुग्ण सापडले आहेत. त्यामुळे रुग्णांची संख्या आज पुन्हा एकदा वाढली असल्याचं दिसून आलं आहे.</p>.<p>मागील दोन दिवसांच्या तुलनेत आज रुग्णांच्या संख्या काहीशी वाढली आहे. मात्र अॅक्टिव्ह रुग्णांची संख्या थोडीशी कमी झाली आहे. त्यामुळे प्रशासनासाठी ही एक दिलासादायक बाब आहे. दरम्यान आतापर्यंत १ कोटी ४ लाखांहून अधिक जणांना करोनाची लागण झाली आहे. गेल्या २४ तासात देशात १८ हजार १३९ नवे रुग्ण आढळून आले आहेत तर देशात २३४ करोना बाधित रुग्णांचा मृत्यू झाला आहे. सध्या देशभरात २ लाख २५ हजार ४४९ अॅक्टिव्ह रुग्ण आहेत. केंद्रीय आरोग्य मंत्रालयाने दिलेल्या माहितीनुसार, आतापर्यंत देशात एकूण १ कोटी ०४ लाख १३ हजार ४१७ रुग्ण सापडले आहेत. त्यापैकी १ लाख ५० हजार ५७० रुग्णांचा मृत्यू झाला आहे.</p>.<p><strong>महाराष्ट्रातील स्थिती</strong></p><p>राज्यातील करोना संसर्ग अद्यापही वाढतच आहे. काल दिवसभरात राज्यात ३ हजार ७२९ नवे करोनाबाधित आढळले व ७२ रुग्णांचा मृत्यू झाल्याची नोंद झाली. तर, ३ हजार ३५० जण करोनामुक्त झाल्याने त्यांना रुग्णालयातून सुट्टी देण्यात आली. राज्यातील एकूण करोनाबाधितांची संख्या आता १९ लाख ५८ हजार २८२ वर पोहचली आहे. तर, राज्याचा रिकव्हरी रेट ९४.७८ टक्के आहे. </p><p>सध्या राज्यात ५१ हजार १११ अॅक्टिव्ह केसेस असून, १८ लाख ५६ हजार १०९ जण आतापर्यंत करोनातून बरे झाले आहेत. याशिवाय, ४९ हजार ८९७ रुग्णांचा करोनामुळे मृत्यू देखील झालेला आहे. आजपर्यंत करोनाच्या पार्श्वभूमीवर राज्यभरात तपासण्यात आलेल्या १,३१,९९,२०१ नमुन्यांपैकी १९ लाख ५८ हजार २८२ (१४.८४टक्के)नमुने पॉझिटिव्ह आढळले आहेत. सध्या राज्यात २ लाख ७० हजार २१७ जण गृह विलगीकरणात आहेत. तर, २ हजार ८२४ जण संस्थात्मक विलगीकरणात आहेत.</p>
