<p>सुरत</p><p> रिलायन्स जिओच्या ट्रेडमार्कचा दुरुपयोग केल्याबद्दल सुरत पोलिसांनी चार जणांना अटक केली. आरोपी जिओ ट्रेडमार्कचा गहू पीठ विक्रीसाठी बेकायदेशीर वापर केला.</p>.<p>राधाकृष्ण ट्रेडिंग कंपनीच्या विरोधात जिओ ब्रँडचे नाव व त्याचा लोगो वापरुन सुरतच्या 'सचिन पोलिस स्टेशन' मध्ये गव्हाचे पीठ विक्री केल्याप्रकरणी एफआयआर दाखल करण्यात आला आहे.</p><p>या प्रकरणी ट्रेडमार्क कायद्यांतर्गत गुन्हा दाखल करण्यात आला असल्याचे सूरत (झोन)) चे पोलिस उपायुक्त (डीसीपी) विधी चौधरी यांनी सांगितले. पोलिसांकडे राम कृष्ण ट्रेडेलिंक नावाची कंपनी जिओ ट्रेडमार्कचा वापर करून गहू पीठ विकत असल्याची तक्रार रिलायन्स जिओने सूरतच्या पोलिस स्टेशनमध्ये केली आहे. त्यानंतर पोलिसांनी चार आरोपींना अटक केले.</p><p>.</p><p>तक्रारीत असेही म्हटले आहे की, राधाकृष्ण ट्रेडिंग कंपनी ही कंपनी गहूच्या पिठाच्या पिशवीत जिओचा लोगो छापून बाजारात विकत असे. तर जिओ किंवा रिलायन्स इंडस्ट्रीजची कोणतीही इतर कंपनी कोणत्याही प्रकारच्या कृषी उत्पादनांचा भाग नाही. या सर्वांनी स्वत: च्या आर्थिक फायद्यासाठी जिओच्या ट्रेडमार्कचा गैरवापर केला आहे.</p><p>त्यामुळे या सर्व लोकांवर आणि कंपनीविरूद्ध कायदेशीर कारवाई करण्यासाठी एफआयआर दाखल करण्यात आला आहे. सचिन पोलिस स्टेशनने ट्रेड मार्क्स कायदा 1999 अन्वये एफआयआर नोंदविला असून पुढील तपास सुरू आहे.</p>
