<p><strong>दिल्ली । Delhi </strong></p><p>चिनी अब्जाधीश आणि जगातील तिसर्या क्रमांकाची सर्वात श्रीमंत व्यक्ती ज्यांना ई कॉमर्सच्या जगताचे बादशाहा म्हटलं जातं ते अलिबाबा ग्रुपचे मालक जॅक मा गेल्या दोन महिन्यांपासून बेपत्ता आहेत. मागील दोन महिन्यांपासून जॅक मा हे कोणत्याही सार्वजनिक कार्यक्रमाला उपस्थित राहिलेला नाहीत. त्यामुळे त्यांच्यासंदर्भातील वेगवेगळ्या चर्चांना उधाण आलं आहे.</p>.<p>गेल्या वर्षी ऑक्टोबर महिन्यात जॅक मा यांनी चीनच्या आर्थिक धोरणांवार आणि सरकारी बँकांवर उघड टीका केली होती. जॅक मा यांचे अशा पद्धतीने बेपत्ता होणे संशयास्पद असल्याची चर्चा आहे. जॅक मा हे आपल्या भाषणांसाठी जोरदार लोकप्रिय आहेत. गेल्या वर्षी ऑक्टोबर महिन्यात त्यांनी चीन सरकारने आपल्या प्रणालीमध्ये बदल करावा असे म्हटले होते. या वेळी त्यांनी म्हटले होते की, व्यवसायात नव्या गोष्टी सुरु करण्यासाठी प्रोत्साहन द्यायला हवे. सरकारे दबाव टाकणे बंद करायला हवे. त्यांनी असेही म्हटले होते की, जागतिक बँकिंग चे नियम हे एक ज्येष्ठ नारिकांचा अड्डा आहे.</p><p>जॅक मा यांच्या वक्तव्यानंतर चीनमधील सत्ताधारी कम्युनिस्ट पार्टी भरतीच चिडली होती. त्यानंतर कम्युनिस्ट पार्टीकडून जॅक मा यांच्यावर जोरदार टीकास्त्र सोडण्यात आले होते. जॅक मा यांच्या वक्तव्यानंतर त्यांच्या व्यवसायातही अनेक अडचणी आल्याचे पाहायला मिळाले. गेल्या काही काळापासून जॅक मा यांच्या कंपन्यांची जोरदार चौकशी सुरु आहे.</p><p>चीनच्या अधिकाऱ्यांनी जॅक मा यांची कंपनी एंट ग्रुपच्या 37 अरब डॉलरचे आयपीओंना निलंबीत केले होते. प्रसारमाध्यमांनी दिलेल्या वृत्तात तेव्हा राष्ट्राध्यक्ष शी जिनपींग यांच्या आदेशानेच ही कारवाई करण्यात आल्याचे म्हटले होते. दरम्यान, प्रसारमाध्यमांनी दिलेल्या वृत्तानुसार, जॅक मा हे गेल्या दोन महिन्यांपासून सार्वजनिक ठिकाणी दिसले नाहीत. ते काही नियोजीत कार्यक्रमात सहभागी होणार असल्याचे वृत्त होते. परंतू, अल्पावधितच विविध कार्यक्रमांतून निमंत्रितांच्या यादीत असलेले त्यांचे नाव गायब होत गेले.</p>
