Chandrayaan 3 : चंद्रावरील अंधारात कसा दिसतो विक्रम लँडर?

दिल्ली | Delhi

भारतीय अवकाश संशोधन संस्था म्हणजेच इस्त्रोकडून चांद्रयान ३ बाबत अपडेट दिल्या जात आहेत. इस्त्रोनं २३ ऑगस्टला चंद्राच्या दक्षिण ध्रुवावर चांद्रयान ३ उतरवून इतिहास रचला होता. २३ ऑगस्ट ते ४ सप्टेंबर या काळात विक्रम लँडरकडून काम सुरु होतं. तर, रोवर २ सप्टेंबर पर्यंत सुरु होता. चंद्रावर रात्र होणार असल्यानं प्रज्ञान रोवरला २ सप्टेंबरला तर विक्रम लँडरला ४ सप्टेंबरला स्लीप मोडवर पाठवण्यात आलं होतं. त्यानंतर ५ सप्टेंबरला चंद्रावर रात्र झाली. चंद्रावरील रात्रीमध्ये विक्रम लँडर कसा दिसतो याचा फोटो चांद्रयान २ च्या ऑर्बिटरकडून टिपण्यात आला आहे.

६ सप्टेंबर रोजी घेतलेल्या फोटोमध्ये चंद्राचा पृष्ठभाग निळा, हिरवा आणि गडद काळा दिसत आहे. याच्या मध्यभागी, आमचे विक्रम लँडर पिवळ्या वर्तुळात, पिवळ्या प्रकाशासह दृश्यमान आहे. येथे तीन चित्रे आहेत. डावीकडील पहिला उभा फोटो एका मोठ्या पिवळ्या चौकोन बॉक्समध्ये लँडर जेथे उतरला ते क्षेत्र दर्शवितो. उजवीकडे वरील फोटो ६ सप्टेंबरचा फोटो आहे, ज्यामध्ये चांद्रयान ३ चा विक्रम लँडर गोल पिवळ्या वर्तुळात पिवळ्या प्रकाशात दिसत आहे. खाली २ जूनचा फोटो आहे, जेव्हा लँडर तिथे उतरले नव्हते. वास्तविक, हे चित्र चांद्रयान ३ च्या ऑर्बिटरमध्ये स्थापित ड्युअल-फ्रिक्वेंसी सिंथेटिक अपर्चर रडार (DFSAR) ने घेतले आहे.

डीएफएसएआर हे एक विशेष उपकरण आहे, जे रात्रीच्या अंधारात उच्च रिझोल्यूशन पोलरीमेट्रिक मोडमध्ये फोटो घेते. ते अंधारात धातूंमधून उत्सर्जित होणारी उष्णता आणि प्रकाश पकडते. मग तो नैसर्गिकरित्या घडणारा धातू असो किंवा मानवाने धातूपासून बनवलेले काहीतरी. चंद्रयान २ च्या ऑर्बिटरने २५ ऑगस्ट रोजी चंद्रयान ३ चे फोटो देखील घेतले. यामध्ये डावीकडील फोटोमध्ये रिकामी जागा आहे. उजव्या फोटोमध्ये लँडर चंद्राच्या पृष्ठभागावर दिसत आहे. या फोटोत, लँडर झूम करून इनसेटमध्ये दाखवले होते. चंद्रयान २ ऑर्बिटर हाय रिझोल्युशन कॅमेराने सुसज्ज आहे.