नवी दिल्ली -
अरुणाचल प्रदेशचे मुख्यमंत्री पेमा खांडू यांची करोना टेस्ट पॉझिटिव्ह आली आहे. त्यांनी स्वतः ट्विटद्वारे याबाबत माहिती दिली आहे. मी करोना तपासणीसाठी
आरटी-पीसीआर टेस्ट करून घेतल्यानंतर माझा करोना रिपोर्ट पॉझिटिव्ह आला आहे. मी लक्षणविरहीत व तंदुरुस्त आहे. तरी एसओपीनुसार आणि इतरांच्या सुरक्षेसाठी, मी स्वतःचे विलगीकरण करून घेतले आहे. जे माझ्या संपर्कात आले आहेत, त्या सर्वांनी एसओपीचे पालन करावे. असे त्यांनी ट्विटद्वारे आवाहन केले आहे.