नवी दिल्ली | वृत्तसंस्था | New Delhi
गुजरातमधील मनीनगर येथे वंदे भारत एक्स्प्रेसला अपघात झाला असून रेल्वेच्या समोरील भागाचे नुकसान झाले आहे. ही रेल्वे गांधीनगरहून मुंबईला येत असताना काही जनावरे लोहमार्गात आडवी आल्याने हा अपघात झाल्याची प्राथमिक माहिती मिळत आहे..
पंतप्रधान नरेंद्र मोदी यांनी हिरवा कंदील दाखवल्यानंतर १ ऑक्टोबरपासून ही रेल्वे प्रवाशांच्या सेवेत दाखल झाली होती. सेवेत दाखल झाल्यानंतर अवघ्या सहाव्याच दिवशी ‘वंदे भारत एक्स्प्रेस’ला अपघात घडला आहे.