<p>पुणे | Pune</p><p>शहरात पुन्हा एकदा रानगवा वस्तीत आला आहे. पुण्यात पुन्हा गवा दिसल्याने भीती व्यक्त होत आहे. हा गवा पाषण </p>.<p>तलावाजवळ फिरताना दिसून आला आहे. दरम्यान, नागरिकांना महामार्ग आणि बावधन परीसरात गर्दी करु नये, असे आवाहन करण्यात आले आहे. </p>.<p>काही दिवसांपूर्वी एक रानगवा पुण्यात दिसला होता. मात्र रेस्क्यू दरम्यान त्याला आपला जीव गमवावा लागला. मात्र आता पुन्हा एकदा पुण्यात कोथरूडमध्ये रानगव्याचे दर्शन झाले आहे. पुणे-बंगळुरु राष्ट्रीय महामार्गावर बावधन येथे हा गवा आढळून आला आहे. डोंगर आणि जंगल भाग जवळच असून तेथून हा गवा आल्याची शक्यता व्यक्त केली जात आहे.</p>.<p>पोलीस आणि वनविभागाचे अधिकारी घटनास्थळी दाखल झाले असून गव्याला पकडण्यासंबंधी चर्चा सुरु आहे. दरम्यान गेल्यावेळी गव्याला पकडताना झालेल्या चुका आणि बघ्यांची गर्दी टाळण्याचं मोठं आव्हान वनविभागासमोर आहे. याआधी ९ डिसेंबरला पुण्यात गवा दिसला होता.</p>
